All Blacks behou titel
Rugby
Die All Blacks het gisteroggend (Namibiese tyd) in Buenos Aires verseker hulle behou hul titel in die Rugbykampioenskap, met 'n sege van 35-17 oor Argentinië.
Nieu-Seeland, wat sonder sterre soos Joe Moody, Owen Franks en Kieran Read moes klaarkom, het nie te veel moeite gehad om hul teleurstellende nederlaag van 34-36 teen die Springbokke twee weke gelede te wreek nie.
Steve Hansen, die All Black-breier, was heel in sy noppies met sy span se vertoning.
“Ons wedstrydbestuur was goed, maar ek weet nie of ons al die afgeronde produk is nie. Ons het met 'n jong span gespeel, so dit was baie bevredigend,” sê Hansen.
Die agtsteman Ardie Savea, wat 'n siek Luke Whitelock kort voor die afskop moes vervang, was een van die sterre. Die stut Ofa Tu'ungafasi het ook 'n goeie vertoning gelewer.
Sy stutmaat, Karl Tu'inukuafe, was straks die beste speler op die veld. Dié twee voorrymanne het toegesien dat die All Blacks 'n indrukwekkende skrumvertoning teen die Poemas lewer. Nieu-Seeland is die enigste span in die toernooi met 'n 100%-skrumrekord.
“Teen 'n alom bekende sterk skrumspan was dit 'n uitstaande vertoning deur ons skrummers,” het Ian Foster, die All Black-hulpafrigter, gesê.
“Dit was iets wat ons geteiken het, ons wou goed vaar daar.”
Die All Black-agterlyn was ook op sy stukke. Waisake Naholo, die regtervleuel, het een van sy span se vyf drieë gedruk. Sy vleuelvennoot, Rieko Ioane, het twee drieë gedruk en spog nou met 20 drieë in 19 toetse.
Beauden Barrett het herstel van 'n teleurstellende vertoning teen die Bokke en al vier sy doelskop-pogings oorgeklits.
Die All Blacks speel volgende week hul laaste wedstryd van die reeks teen die Bokke in Pretoria. – Netwerk24
Nieu-Seeland, wat sonder sterre soos Joe Moody, Owen Franks en Kieran Read moes klaarkom, het nie te veel moeite gehad om hul teleurstellende nederlaag van 34-36 teen die Springbokke twee weke gelede te wreek nie.
Steve Hansen, die All Black-breier, was heel in sy noppies met sy span se vertoning.
“Ons wedstrydbestuur was goed, maar ek weet nie of ons al die afgeronde produk is nie. Ons het met 'n jong span gespeel, so dit was baie bevredigend,” sê Hansen.
Die agtsteman Ardie Savea, wat 'n siek Luke Whitelock kort voor die afskop moes vervang, was een van die sterre. Die stut Ofa Tu'ungafasi het ook 'n goeie vertoning gelewer.
Sy stutmaat, Karl Tu'inukuafe, was straks die beste speler op die veld. Dié twee voorrymanne het toegesien dat die All Blacks 'n indrukwekkende skrumvertoning teen die Poemas lewer. Nieu-Seeland is die enigste span in die toernooi met 'n 100%-skrumrekord.
“Teen 'n alom bekende sterk skrumspan was dit 'n uitstaande vertoning deur ons skrummers,” het Ian Foster, die All Black-hulpafrigter, gesê.
“Dit was iets wat ons geteiken het, ons wou goed vaar daar.”
Die All Black-agterlyn was ook op sy stukke. Waisake Naholo, die regtervleuel, het een van sy span se vyf drieë gedruk. Sy vleuelvennoot, Rieko Ioane, het twee drieë gedruk en spog nou met 20 drieë in 19 toetse.
Beauden Barrett het herstel van 'n teleurstellende vertoning teen die Bokke en al vier sy doelskop-pogings oorgeklits.
Die All Blacks speel volgende week hul laaste wedstryd van die reeks teen die Bokke in Pretoria. – Netwerk24
Kommentaar
Republikein
Geen kommentaar is op hierdie artikel gelaat nie