AR hits nié grondgrype aan

Die grondgrype op Tsumeb wat gebeur het terwyl die Regstellende Herposisionering-beweging (AR)se aktivis- en koördineerdersforum op die dorp op Saterdag 7 Mei gehou is, dra nie die goedkeuring van die AR weg nie. “Ons doen alles in ooreenstemming met ons ooreenkoms van 24 Julie 2015 asook die 11 April-ooreenkoms met die president en het niemand aangehits nie. Die AR-beweging is dus nie deel van enige grondgrype wat plaasgevind het of nog sal plaasvind nie,” het mnr. Dimbulukweni Nauyoma vanmiddag tydens ‘n perskonferensie gesê.