As Harry en Meghan dalk in Namibië kom kuier
Die koninklike straler of die Airbus RAF Voyager A330 sal hoogs waarskynlik nie op die Internasionale Lughawe Hosea Kutako land nie.
Estelle de Bruyn
Sou enige waarheid in wêreldwye gissinge steek dat die nuwe hertog en hertogin van Sussex, prins Harry en sy bruid, Meghan, Namibië as wittebroodsbestemming kies, sal die wêreld se paparazzi sekerlik op die land toesak.
Die koninklike straler of die Airbus RAF Voyager A330 sal hoogs waarskynlik nie op die Internasionale Lughawe Hosea Kutako land nie. Daar is net te veel oë en 'n vreemde Britse vliegtuig op die aanloopbaan sal die geheim te maklik verklap.
Indien die paartjie besluit om die Hoanib Skedelkuskamp of die Shipwreck Lodge aan die Skedelkus te besoek, sal hulle waarskynlik op Walvisbaai se lughawe land en vandaar óf met 'n kleiner vliegtuig óf met 'n helikopter na hul eindbestemming geneem word. Harry, wat 'n opgeleide helikoptervlieënier is, kan dalk sommer self agter die stange inklim en die vliegwerk doen.
Daar is ook 'n moontlikheid dat die aankomsarea vir Baie Belangrike Persone (BBP's) op Eros-lughawe benut kan word.
'n Mens kan net bespiegel of dít dalk een van die onderwerpe was waaroor pres. Hage Geingob tydens sy ontmoeting met prins William verlede maand gesels het.
Die webtuiste uk.businessinsider.com het 'n glansartikel aan verskeie toeristeaantreklikhede in Namibië gewei waarin hulle die “ongelooflike uitsigte en uiterste privaatheid” besing wat die paartjie hier sal kan geniet.
Business Insider het me. Marisa Lassman, 'n reisdeskundige en stigter van 'n luukse reisagentskap, Another Africa, geraadpleeg. Sy sê die beste tyd van die jaar om Namibië te besoek, is Mei. Haar agt dae lange droomreisplan vir die koninklikes sluit onder meer verblyf by Wolwedans in. Ná aandete sal die professionele sterrekundige, mnr. Rob Johnstone, die paartjie oor die nagtelike hemelruim kan inlig. Die bestemming word as een van die gebiede in die wêreld met die minste lugbesoedeling beskryf.
Lassman beveel aan dat Harry en Meghan 'n warmlugballonvlug onderneem en 'n buitelug-ontbyt geniet, waarna hulle by NamibRand kan gaan perdry.
Sy stel voor dat die bruidspaar 'n private helikoptervlug oor die Tasauchab-riviervallei, Dooievlei en Sossusvlei se duine onderneem. Van hier af is dit die Skedelkus wat roep, vanwaar die hoë besoekers twee nagte in Damaraland kan deurbring, moontlik by die Sorris Sorris Lodge.
Die deskundige gids Hayden Turner word aanbeveel om die paartjie touwys te maak oor die woestynaangepaste olifante in die omgewing van die Ugabrivier.
Van hier af, stel Lassman voor, kan die hertog en hertogin met 'n private huurvlug na die Hoanib-kamp geneem word vanwaar hulle die Skedelkus met die hulp van dr. Flip Stander kan verken, wat hulle van die unieke woenstynaangepaste leeus kan vertel.
Die Mail Online berig dat Harry en Meghan 'n mini-wittebrood van twee dae in Dublin, Ierland, beplan.
Hoe dit ook al sy, die koninklike paartjie kan nie 'n beter bestemming as Namibië kies nie, want hier in die ongerepte natuur, sonder die internasionale kollig, sal hulle werklik kan ontspan.
Sou enige waarheid in wêreldwye gissinge steek dat die nuwe hertog en hertogin van Sussex, prins Harry en sy bruid, Meghan, Namibië as wittebroodsbestemming kies, sal die wêreld se paparazzi sekerlik op die land toesak.
Die koninklike straler of die Airbus RAF Voyager A330 sal hoogs waarskynlik nie op die Internasionale Lughawe Hosea Kutako land nie. Daar is net te veel oë en 'n vreemde Britse vliegtuig op die aanloopbaan sal die geheim te maklik verklap.
Indien die paartjie besluit om die Hoanib Skedelkuskamp of die Shipwreck Lodge aan die Skedelkus te besoek, sal hulle waarskynlik op Walvisbaai se lughawe land en vandaar óf met 'n kleiner vliegtuig óf met 'n helikopter na hul eindbestemming geneem word. Harry, wat 'n opgeleide helikoptervlieënier is, kan dalk sommer self agter die stange inklim en die vliegwerk doen.
Daar is ook 'n moontlikheid dat die aankomsarea vir Baie Belangrike Persone (BBP's) op Eros-lughawe benut kan word.
'n Mens kan net bespiegel of dít dalk een van die onderwerpe was waaroor pres. Hage Geingob tydens sy ontmoeting met prins William verlede maand gesels het.
Die webtuiste uk.businessinsider.com het 'n glansartikel aan verskeie toeristeaantreklikhede in Namibië gewei waarin hulle die “ongelooflike uitsigte en uiterste privaatheid” besing wat die paartjie hier sal kan geniet.
Business Insider het me. Marisa Lassman, 'n reisdeskundige en stigter van 'n luukse reisagentskap, Another Africa, geraadpleeg. Sy sê die beste tyd van die jaar om Namibië te besoek, is Mei. Haar agt dae lange droomreisplan vir die koninklikes sluit onder meer verblyf by Wolwedans in. Ná aandete sal die professionele sterrekundige, mnr. Rob Johnstone, die paartjie oor die nagtelike hemelruim kan inlig. Die bestemming word as een van die gebiede in die wêreld met die minste lugbesoedeling beskryf.
Lassman beveel aan dat Harry en Meghan 'n warmlugballonvlug onderneem en 'n buitelug-ontbyt geniet, waarna hulle by NamibRand kan gaan perdry.
Sy stel voor dat die bruidspaar 'n private helikoptervlug oor die Tasauchab-riviervallei, Dooievlei en Sossusvlei se duine onderneem. Van hier af is dit die Skedelkus wat roep, vanwaar die hoë besoekers twee nagte in Damaraland kan deurbring, moontlik by die Sorris Sorris Lodge.
Die deskundige gids Hayden Turner word aanbeveel om die paartjie touwys te maak oor die woestynaangepaste olifante in die omgewing van die Ugabrivier.
Van hier af, stel Lassman voor, kan die hertog en hertogin met 'n private huurvlug na die Hoanib-kamp geneem word vanwaar hulle die Skedelkus met die hulp van dr. Flip Stander kan verken, wat hulle van die unieke woenstynaangepaste leeus kan vertel.
Die Mail Online berig dat Harry en Meghan 'n mini-wittebrood van twee dae in Dublin, Ierland, beplan.
Hoe dit ook al sy, die koninklike paartjie kan nie 'n beter bestemming as Namibië kies nie, want hier in die ongerepte natuur, sonder die internasionale kollig, sal hulle werklik kan ontspan.
Kommentaar
Republikein
Geen kommentaar is op hierdie artikel gelaat nie