Asdrom-moordsaak derde keer uitgestel

Augetto Graig - Al drie mense wat van die moord op die negejarige Akundaishe Natalie Chipomho beskuldig word, bly in hegenis tot 4 Augustus 2020.
Hulle saak is Woensdagoggend vir 'n derde keer uitgestel; dié keer omdat geen dossier beskikbaar was vir die beskuldigdes om voor landdros Celma Amadhila in die Windhoek Landdroshof te verskyn nie.
Chipomho se lyk is in Januarie vanjaar in 'n munisipale vullishouer in Windhoek-Noord verbrand. Na bewering is die meisie doodgeslaan en haar oorskot in 'n asdrom na die vullishouer geneem.
Haar ma me. Rachel Kureva, en haar pa, mnr. Edward Nkata en sy huidige vrou me. Caroline Nkata, word van die grudaad beskuldig.