Asemnood maak bang

Die bekende ds. Manus Olivier van die NG-gemeente Swakopmund het Vrydagoggend tydens 'n ontbytgeselligheid van die Amos Namibië in Windhoek oor sy kankerreis gesels. Onder die opskrif "Asemnood is scary" het hy gesê om deur moeilike tye te gaan, of dit weens siekte soos kanker, die dood van 'n geliefde of 'n krisissituasie op die plaas is, 'n louteringsproses vir gelowiges is en hulle nader aan God bring. Amos Namibië streef daarna om deur sy landboubediening aan almal in die boerderygemeenskap die geleentheid te skep om 'n pad met God te stap en volgens Bybelse waardes en norme te lewe en te boer. Foto Augetto Graig