Aussie-media verskeur Wallabies ná loesing

Die Wallaby-rugbyspan se vertoning die afgelope naweek teen die All Blacks in Sydney het die Australiese media bitterbek gelaat.Vergete is die goeie gelykopuitslag van 16-16 elk ’n paar weke gelede in Wellington, nee wat, dit was glo maar net ’n glipsie van die All Blacks, wat aan die Wallabies se ondersteuners valse hoop verskaf het.Ná die twee groot nederlae daarna kan ’n mens volgens die Australiese media eintlik regtig sien hoeveel werk daar op die Wallabies wag.Die afgelope naweek se nederlaag van 5-43 word deur Jacob Polychronis van Fox Sports as “ ’n afskuwelike vertoning” beskryf.Dit was die grootste pakslae wat die Wallabies in die 117-jarige bestaan van die Bledisloebeker-reeks teen die All Blacks gely het.Polychronis se kollega Zac Rayson meen al goeie vertoning deur ’n Australiër in Sydney, is deur David Nduwimana gelewer.Nduwimana, wat vooraf die volkslied gesing het, het sewe jaar gelede van Burundi na Australië geëmigreer.Sam Phillips van die Sydney Morning Herald het darem gedink die senter Jordan Petaia se lopie wat op die losskakel Noah Lolesio se drie uitgeloop het, was ook “blink oomblik”.Die 20-jarige Lolesio, wat sy debuut vir die Wallabies gemaak het, se vertoning word in die meeste Australiese mediakringe as “naïef” beskryf.Daar word gesê dat sy min ervaring duidelik was en dat hy baie verkeerde besluite geneem het.Dave Rennie, die Wallabies se afrigter, hou intussen duimvas dat die losskakel James O’Connor Saterdag in Brisbane teen die All Blacks sal kan speel.Die ervare O’Connor kon weens ’n kniebesering nie die afgelope naweek teen die Nieu-Seelanders speel nie.Rennie het ook aan AAP gesê hy oorweeg dit ook om nog ’n ervare speler, die veelsydige Reece Hodge, speelkans te gee.Hodge kan dalk vir Irae Simone op binnesenter of vir Filipo Daugunu op regtervleuel vervang.Rennie wag ook nog om te hoor hoe ernstig die slot Lukhan Salakaia-Loto se enkelbesering is.Indien hy nie kan speel nie, sal Rob Simmons waarskynlik in die beginspan wees. – Stuff.co.nz, Netwerk24FOTO’SVerslae staan die Wallabies rond nadat die All Blacks hulle Saterdag in Sydney deeglik afgestof het. Die snorman voor is die skrumskakel Nic White. Foto Getty ImagesDaar het nie baie dinge vir die Wallabies in Sydney reg verloop nie. Hier verloor Marika Koroibete die bal terwyl hy oor die doellyn probeer duik vir ’n drie met Jordie Barrett wat hom om die nek beetgekry het. Foto Getty Images

Aussie-media verskeur Wallabies ná loesing

Kommentaar

Republikein 2025-04-30

Meld asseblief aan om kommentaar te lewer

Aussie-media verskeur Wallabies ná loesing

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie