Baba in toilet weggegooi
Otis Finck op Walvisbaai - ’n Polisiebeampte wat by Walvisbaai se staatshospitaal gestasioneer is, het Sondag omstreeks 16:00 ’n grusame ontdekking in die manstoilette gemaak.
Die beampte het die toilet gebruik en dit gespoel. Die toilet se watervlak het skielik begin styg totdat dit oor die toiletbak gespoel het.
Hy het handskoene en bedlinne gaan haal om te verhoed dat die water in die gang inloop.
Dit is toe dat hy opgemerk het iets blokkeer die toilet. Hy het ’n stok gebruik om die blokkasie te probeer verwyder en op die oorskot van ’n pasgebore babaseuntjie afgekom.
Hy het die oorskot verwyder en sy kollegas daaroor ingelig.
Die speurafdeling se hoofinspekteur Erastus Iikuyu het die voorval bevestig en gesê die polisieondersoek duur voort.
“Ons het nog nie ’n verdagte geïdentifiseer nie. Enige iemand met inligting oor die voorval word versoek om die polisie te kontak,” het hy gesê.
Sersant Ileni Shapumba van Erongo se gemeenskapspolisiëring het sy skok uitgespreek oor wat in die land aan die gebeur is waar daar “oënskynlik geen respek vir menselewens is nie”.
“Hierdie soort misdade is aan die toeneem en dit is uiters ontstellend. Dit wil voorkom asof mense nie weet dat aborsie en die weggooi van babas strafregtelike oortredings is nie. Ondervindinge soos hierdie bly vir die res van hul lewe by die oortreders,” het hy gesê.
Hy het moeders aangemoedig om bystand en professionele hulp te soek voordat hulle sulke grusame dade teen onskuldige en weerlose kinders pleeg.
Die jongste voorval volg nadat ’n pasgebore babameisie in Augustus in ’n kombers toegedraai voor die verpleegsterstuiste op Walvisbaai gelos is. Die moeder het ’n teksboodskap aan Baby Line gestuur waarin versoek is dat hulle die kind gaan haal by die plek waar sy haar gelos het.
Maureen Baard, die stigter van Baby Line, het die voorval bevestig en gesê dit is die tweede keer dat ’n baba op Walvisbaai weggegooi is.
“Die meisietjie doen heel goed en is in ’n plek van veiligheid geplaas. Sy sal spoedig aangeneem word. Ek weet nie hoekom mense hulle tot hierdie soort gedrag wend nie. Moenie babas weggooi nie. Kontak ons eerder by 081 221 8081 om reëlings te tref,” het sy gesê.
Die beampte het die toilet gebruik en dit gespoel. Die toilet se watervlak het skielik begin styg totdat dit oor die toiletbak gespoel het.
Hy het handskoene en bedlinne gaan haal om te verhoed dat die water in die gang inloop.
Dit is toe dat hy opgemerk het iets blokkeer die toilet. Hy het ’n stok gebruik om die blokkasie te probeer verwyder en op die oorskot van ’n pasgebore babaseuntjie afgekom.
Hy het die oorskot verwyder en sy kollegas daaroor ingelig.
Die speurafdeling se hoofinspekteur Erastus Iikuyu het die voorval bevestig en gesê die polisieondersoek duur voort.
“Ons het nog nie ’n verdagte geïdentifiseer nie. Enige iemand met inligting oor die voorval word versoek om die polisie te kontak,” het hy gesê.
Sersant Ileni Shapumba van Erongo se gemeenskapspolisiëring het sy skok uitgespreek oor wat in die land aan die gebeur is waar daar “oënskynlik geen respek vir menselewens is nie”.
“Hierdie soort misdade is aan die toeneem en dit is uiters ontstellend. Dit wil voorkom asof mense nie weet dat aborsie en die weggooi van babas strafregtelike oortredings is nie. Ondervindinge soos hierdie bly vir die res van hul lewe by die oortreders,” het hy gesê.
Hy het moeders aangemoedig om bystand en professionele hulp te soek voordat hulle sulke grusame dade teen onskuldige en weerlose kinders pleeg.
Die jongste voorval volg nadat ’n pasgebore babameisie in Augustus in ’n kombers toegedraai voor die verpleegsterstuiste op Walvisbaai gelos is. Die moeder het ’n teksboodskap aan Baby Line gestuur waarin versoek is dat hulle die kind gaan haal by die plek waar sy haar gelos het.
Maureen Baard, die stigter van Baby Line, het die voorval bevestig en gesê dit is die tweede keer dat ’n baba op Walvisbaai weggegooi is.
“Die meisietjie doen heel goed en is in ’n plek van veiligheid geplaas. Sy sal spoedig aangeneem word. Ek weet nie hoekom mense hulle tot hierdie soort gedrag wend nie. Moenie babas weggooi nie. Kontak ons eerder by 081 221 8081 om reëlings te tref,” het sy gesê.
Kommentaar
Republikein
Geen kommentaar is op hierdie artikel gelaat nie