Babalykie op stortingsterrein gevind

Die ontbinde lykie van ’n pasgebore baba is Maandag omstreeks 15:00 deur werkers op ’n stortingsterrein naby Walvisbaai ontdek. Volgens die polisie se koördineerder van misdaadondersoeke in die streek, insp. Erastus Ikuyu, is die lykie tussen die rommel ontdek. Hy kon nie die geslag van die baba bevestig nie. Volgens hom word ’n saak van verberging van geboorte ondersoek.