Babiep 'het nie haarself gehang'
Die verhoor van die vermeende Aroab-wurger, wat daarvan beskuldig word dat hy sy minnares met 'n tou vermoor het, het Maandag in die hoërhof begin.
Jacqueline Louw - Die slagoffer in mnr. Willem Freddy Eksteen (21) se moordverhoor, wat Maandag begin het, het nie haarself gehang nie.
Só het dr. Maksym Verkusha Maandag in die hoërhof in Windhoek getuig.
Eksteen word daarvan aangekla dat hy Babiep gedurende die nag van 21 op 22 September 2014 op die plaas Warmfontein in die Aroab-distrik vermoor het deur haar met 'n stuk tou te verwurg.
Verkusha, wat verbonde is aan die Keetmanshoop-staatshospitaal, het die lykskouing op die 19-jarige Janetta Babiep uitgevoer.
Babiep is die oggend van 22 September 2014 dood in haar bed aangetref met 'n tou om haar nek.
Verkusha het voor regter Dinnah Usiku getuig dat die horisontale merke aan Babiep se nek daarop dui dat sy nie aan die tou gehang het nie, maar daarmee verwurg is.
Hy het verder gesê die oorsaak van dood was verwurging wat tot versmoring gelei het.
Die moontlikheid dat Babiep haarself met die tou kon verwurg terwyl sy op die bed gelê het, is ook deur die dokter verwerp.
Die rede wat hy hiervoor aangevoer het, is dat 'n persoon wat homself wurg in 'n stadium sy bewussyn sal verloor en in die proses sy greep sal verslap, wat sal verhoed dat hy versmoor.
Volgens die klagstaat het Eksteen en Babiep, wat in 'n romantiese verhouding was en 'n kind het, 'n slaapkamer gedeel.
Mnr. Milton Engelbrecht, wat Eksteen verteenwoordig, het aan die hof gesê sy kliënt pleit onskuldig.
Engelbrecht het gesê sy kliënt het wakker geword en gesien Babiep het haarself gehang. Hierna het hy die tou gesny en haar op die bed neergelê. Eksteen het glo gesê sy het 'n plastiekemmer gebruik om op te staan.
Sersant Charlto Frederick van die Namibiese polisie het getuig hy is na 'n selfmoordtoneel uitgeroep en het verwag om 'n persoon aan te tref wat aan 'n tou hang, maar die slagoffer het op 'n bed gelê.
gesnyde tou
Tydens kruisondervraging deur die staat het hy getuig hy het nie die stuk van die tou wat Eksteen na bewering afgesny het, op die toneel gevind nie.
Volgens Frederick het Eksteen aan hom gesê “ek het die daad gepleeg”.
Die oorledene se broer, mnr. Paulus Johannes Babiep, het Dinsdag getuig hy het ook nie 'n afgesnyde tou gesien toe hy by die toneel opgedaag het nie. Volgens hom het hy slegs sy suster gesien wat op die bed lê met 'n tou om haar nek.
Mnr. Derick van Schalkwyk, wat in dieselfde huis as die oorledene gewoon het, het gister getuig sy het aan hom gesê sy wil nie meer op die plaas bly nie omdat sy “te veel seergemaak is” en dat sy “ver weg wil gaan”.
Die verhoor duur voort.
Advokaat Filistas Shikerete-Vendura tree namens die staat op.
Só het dr. Maksym Verkusha Maandag in die hoërhof in Windhoek getuig.
Eksteen word daarvan aangekla dat hy Babiep gedurende die nag van 21 op 22 September 2014 op die plaas Warmfontein in die Aroab-distrik vermoor het deur haar met 'n stuk tou te verwurg.
Verkusha, wat verbonde is aan die Keetmanshoop-staatshospitaal, het die lykskouing op die 19-jarige Janetta Babiep uitgevoer.
Babiep is die oggend van 22 September 2014 dood in haar bed aangetref met 'n tou om haar nek.
Verkusha het voor regter Dinnah Usiku getuig dat die horisontale merke aan Babiep se nek daarop dui dat sy nie aan die tou gehang het nie, maar daarmee verwurg is.
Hy het verder gesê die oorsaak van dood was verwurging wat tot versmoring gelei het.
Die moontlikheid dat Babiep haarself met die tou kon verwurg terwyl sy op die bed gelê het, is ook deur die dokter verwerp.
Die rede wat hy hiervoor aangevoer het, is dat 'n persoon wat homself wurg in 'n stadium sy bewussyn sal verloor en in die proses sy greep sal verslap, wat sal verhoed dat hy versmoor.
Volgens die klagstaat het Eksteen en Babiep, wat in 'n romantiese verhouding was en 'n kind het, 'n slaapkamer gedeel.
Mnr. Milton Engelbrecht, wat Eksteen verteenwoordig, het aan die hof gesê sy kliënt pleit onskuldig.
Engelbrecht het gesê sy kliënt het wakker geword en gesien Babiep het haarself gehang. Hierna het hy die tou gesny en haar op die bed neergelê. Eksteen het glo gesê sy het 'n plastiekemmer gebruik om op te staan.
Sersant Charlto Frederick van die Namibiese polisie het getuig hy is na 'n selfmoordtoneel uitgeroep en het verwag om 'n persoon aan te tref wat aan 'n tou hang, maar die slagoffer het op 'n bed gelê.
gesnyde tou
Tydens kruisondervraging deur die staat het hy getuig hy het nie die stuk van die tou wat Eksteen na bewering afgesny het, op die toneel gevind nie.
Volgens Frederick het Eksteen aan hom gesê “ek het die daad gepleeg”.
Die oorledene se broer, mnr. Paulus Johannes Babiep, het Dinsdag getuig hy het ook nie 'n afgesnyde tou gesien toe hy by die toneel opgedaag het nie. Volgens hom het hy slegs sy suster gesien wat op die bed lê met 'n tou om haar nek.
Mnr. Derick van Schalkwyk, wat in dieselfde huis as die oorledene gewoon het, het gister getuig sy het aan hom gesê sy wil nie meer op die plaas bly nie omdat sy “te veel seergemaak is” en dat sy “ver weg wil gaan”.
Die verhoor duur voort.
Advokaat Filistas Shikerete-Vendura tree namens die staat op.
Kommentaar
Republikein
Geen kommentaar is op hierdie artikel gelaat nie