Banke betwis kommissie se jurisdiksie
Van die banke wat volgens die Suid-Afrikaanse Mededingingskommissie glo aandadig was aan valutasamespanning, sê die saak teen hulle skiet tekort aan besonderhede oor antimededingende gedrag en ook die beweerde impak daarvan.
Reuters berig die banke bevraagteken volgens drie bronne wat bekend is met die aangeleentheid, ook of die kommissie die jurisdiksie het om banke wat nie takke of filiale in Suid-Afrika het nie, te penaliseer.
Die kommissie het ná 'n ondersoek wat in 2015 begin is, by die Mededingingstribunaal aanbeveel dat 'n stuk of 16 banke hulle aan 'n valutagekonkel skuldig gemaak het en met tot 10% van hul jaarlikse omset beboet moet word. Van die banke het einde Maart in 'n geslote verhoor van die tribunaal kapsie gemaak oor 'n gebrek aan besonderhede wat hul regsverteenwoordigers in staat sal stel om hul saak behoorlik te formuleer, sê een van die bronne.
Die tribunaal se paneel sal weer in Julie vergader om die banke se besware te oorweeg en te besin of die kommissie genoeg gedoen het om sy saak teen die banke uit te pluis.
“As daar antimededingende gedrag was, soos die kommissie beweer, is die vraag: Het dit gevolge vir Suid-Afrika gehad? Dit is een van die jurisdiksie-kwessies wat die banke geopper het, het 'n ander bron aan Reuters gesê. 'n Ander vraag wat geopper is, is hoe banke sonder filiale of takke in Suid-Afrika geraak sal word.
“Van die banke wil hê die kwessies oor jurisdiksie moet opgeklaar word, omdat hulle geen takke in Suid-Afrika het nie.
“Hoe bereken jy 'n boete vir banke met geen Suid-Afrikaanse takke nie?”
Die ANZ Bank van Australië het geen takke hier nie en Nomura het eers in April verlede jaar, 'n jaar ná die aanvang van die ondersoek, een plaaslik geopen.
Barclays Africa is met voorbehoude kwytgeskel van vervolging in ruil vir sy volle samewerking in die ondersoek
City Bank se plaaslike filiaal is met meer as R69 miljoen beboet vir sy valutahandelaars se betrokkenheid by die gekonkel – dit is minder as die maksimum boete van 10% omdat City Bank “onderneem het” om met die kommissie saam te werk.
Ander banke wat betrek word, sluit in Standard Bank, Investec, JPMorgan, BNP Paribas, die Credit Suisse Group, Commerzbank AG, Macquarie Bank, Bank of America Merrill Lynch (BAML), HSBC en Standard Chartered.
Standard Bank het vroeër gesê sy interne ondersoek het geen bewyse van enige wangedrag opgelewer nie. Hy beskou die bewerings egter in 'n ernstige lig en sal volledig met die kommissie skakel om die gronde van die klagtes beter te verstaan, aldus Erik Larsen, woordvoerder van die bank.
– Netwerk24/Reuters
Die kommissie het ná 'n ondersoek wat in 2015 begin is, by die Mededingingstribunaal aanbeveel dat 'n stuk of 16 banke hulle aan 'n valutagekonkel skuldig gemaak het en met tot 10% van hul jaarlikse omset beboet moet word. Van die banke het einde Maart in 'n geslote verhoor van die tribunaal kapsie gemaak oor 'n gebrek aan besonderhede wat hul regsverteenwoordigers in staat sal stel om hul saak behoorlik te formuleer, sê een van die bronne.
Die tribunaal se paneel sal weer in Julie vergader om die banke se besware te oorweeg en te besin of die kommissie genoeg gedoen het om sy saak teen die banke uit te pluis.
“As daar antimededingende gedrag was, soos die kommissie beweer, is die vraag: Het dit gevolge vir Suid-Afrika gehad? Dit is een van die jurisdiksie-kwessies wat die banke geopper het, het 'n ander bron aan Reuters gesê. 'n Ander vraag wat geopper is, is hoe banke sonder filiale of takke in Suid-Afrika geraak sal word.
“Van die banke wil hê die kwessies oor jurisdiksie moet opgeklaar word, omdat hulle geen takke in Suid-Afrika het nie.
“Hoe bereken jy 'n boete vir banke met geen Suid-Afrikaanse takke nie?”
Die ANZ Bank van Australië het geen takke hier nie en Nomura het eers in April verlede jaar, 'n jaar ná die aanvang van die ondersoek, een plaaslik geopen.
Barclays Africa is met voorbehoude kwytgeskel van vervolging in ruil vir sy volle samewerking in die ondersoek
City Bank se plaaslike filiaal is met meer as R69 miljoen beboet vir sy valutahandelaars se betrokkenheid by die gekonkel – dit is minder as die maksimum boete van 10% omdat City Bank “onderneem het” om met die kommissie saam te werk.
Ander banke wat betrek word, sluit in Standard Bank, Investec, JPMorgan, BNP Paribas, die Credit Suisse Group, Commerzbank AG, Macquarie Bank, Bank of America Merrill Lynch (BAML), HSBC en Standard Chartered.
Standard Bank het vroeër gesê sy interne ondersoek het geen bewyse van enige wangedrag opgelewer nie. Hy beskou die bewerings egter in 'n ernstige lig en sal volledig met die kommissie skakel om die gronde van die klagtes beter te verstaan, aldus Erik Larsen, woordvoerder van die bank.
– Netwerk24/Reuters
Kommentaar
Republikein
Geen kommentaar is op hierdie artikel gelaat nie