Beeldpoets, of herverbeel?

Aan die begin van Namibië se derde “pandemiejaar” verkwik die goeie reën wat reeds oor dele van die land geval het die gemoed.Op elke Namibiër se wenslysie vir 2022 pryk ekonomiese herstel waarskynlik hoog, indien nie heel bo-aan nie. Met die jaar van veerkragtigheid agter die blad (vasbyt is dalk ‘n beter beskrywing?), het pres. Hage Geingob die land se 33ste jaar van onafhanklikheid tot een van re-imaging verklaar. Byvoorbeeld die ministerie van onderwys, kuns en kultuur het reeds sy volle ondersteuning aan die strydkreet gegee.In sy nuwejaarsboodskap het Geingob gevra vir vernuwing in denke, entoesiasme en visie. Vir ‘n kopskuif. Ons moet die lei skoonvee en uitdagings met ‘n positiewe uitkyk aanpak, het die staatshoof gesê. Wantroue in die regering verg beslis verandering – baie daarvan ingrypend; op talle vlakke van die Namibiese huishouding. In Afrikaans is ‘n nommerpas sinoniem vir re-imaging ontwykend. Re-imaging beteken om ‘n nuwe beeld van iets of iemand te skep. Gewoonlik ‘n meer positiewe een. Dit behels ook herkonseptualisering en hervoorstelling. In rekenaartaal beteken dit om nuwe programme en instellings op ‘n hardeskyf te laai. Die regering moet nie beswaard wees as hierdie kopskuif – sover dit die landsbestuur aangaan – vir baie moeilik is nie. Die nuwe credo mag nie bloot ‘n geblaas van die beeldpoetsers se beuls wees nie. Werklike verandering en suksesse is nodig. Nie net ‘n blink lagie verf, wat weer sal afdop, of selfs heeltemal verbeel is nie. Was re-imagening dalk ‘n beter keuse? Natuurlik sonder die onuitvoerbare fantasie, waarin ons ook al dikwels verval het...Wie gaan dan die ANC van die ANC red?Pres. Cyril Ramaphosa het die naweek ’n verskeidenheid insigte oor die stand van sake van die regerende party – duidelik in ’n beduidende krisis – met die land gedeel. Hoe behoort die land dit te beoordeel, behalwe as om net te sug? Hopelik neem sy party darem kennis van wat hy gesê het. En maak dan weer ’n groot, ingrypende plan en lê dit weer voor aan hul kwynende ondersteuners. Die president laat dit ook lyk asof dié kwessies net gister opgeduik het. Almal weet dit het nie. Gegewe dié lang geskiedenis is skeptisisme oor Ramaphosa se beloftes oor strenger optrede teen korruptes heeltemal verstaanbaar. Wie het nou eintlik al aan die pen gery oor korrupsie, vra mense al lankal. En heeltemal tereg. Dan sê diegene in Ramaphosa se binnekring die vervolgings kom. Hulle sê dit neem tyd om die vervolgingsgesag te herbou. Cyril maal stadig, maar hy maal fyn, sê hulle. Ons wag met ingehoue asem. • DIE BURGER (NETWERK24)

Beeldpoets, of herverbeel?

Kommentaar

Republikein 2025-04-04

Meld asseblief aan om kommentaar te lewer

Beeldpoets, of herverbeel?

Kommentaar

Republikein 2025-04-04

Meld asseblief aan om kommentaar te lewer

MELD AAN

Advertensie