Belastingbetalers dok op vir weermag, polisie
Net vanjaar alleen moes Namibiërs ongeveer N$900 000 se skadevergoeding uitbetaal aan burgers wat sedert 2019 tydens gesamentlike polisie-operasies aangerand is.
Jana-Mari Smith – Namibiese belastingbetalers moes vanjaar tot dusver minstens N$900 000 opdok om burgerlikes wat sedert 2019 deur polisie en soldate tydens gesamentlike operasies aangerand is, te vergoed.
Die regering het Maandag ingestem om N$100 000 aan mnr. Johannes Nduwe te betaal – sowel as sy regskoste vir 'n ongespesifiseerde bedrag – vir 'n aanranding wat hy in Januarie 2020 tydens Operasie Kalahariwoestyn in Goreangab moes verduur.
Die menseregteprokureur mnr. Norman Tjombe het as Nduwe se regsverteenwoordiger opgetree.
In September het die regering ingestem om N$250 000 te betaal aan mnr. Jesaja Nelumbu Hango, nog een van Tjombe se kliënte, wat tydens die eerste inperking verlede jaar deur polisiebeamptes en soldate in Swakopmund aangerand is.
Daarbenewens het die hof die regering beveel om Hango se regskoste van N$100 000 te dek.
BELASTINGGELD
Aan die einde van Oktober het die regering ingestem om N$50 000 te betaal aan mnr. Brian Jaftha, 'n dagga-aktivis wat tydens 'n klopjag op sy woning in April 2019 aangerand is.
Sy medeklaer, mnr. Haindere Pasakalius, het ingestem tot vergoeding van N$15 000 om sy regsgeding te skik.
• In September moes die regering N$90 000 opdok vir mnr. Fares Tjaverua nadat hy in April 2019 tydens Operasie Hornkranz aangerand is.
• Tjaverua is aangerand nadat hy gewaar is waar hy Hornkranz-lede verfilm wat ander inwoners aanrand.
• Die regering het in Mei 'n skikkingsooreenkoms van N$250 000 met me. Luise Taakambadhala Mwanyangapo onderteken nadat sy glo in April 2019 deur soldate aangeval is.
• Die polisie en veiligheidsmagte het in Maart skadevergoeding van N$30 000 aan mnr. Alexander Ngoma Afonso uitbetaal wat in Mei 2019 deur die polisie en weermag aangerand is. Afonso is een van verskeie pro-bono-kliënte wat die regering dagvaar vir onwettige aanrandings en inhegtenisnemings aan die hand van die regering se gewapende magte en word deur die Regshulpsentrum (LAC) bygestaan.
• In Augustus het hoërhofregter Dinnah Usiku die regering beveel om N$30 000 se skadevergoeding aan mnr. Kyle Sullivan, ook 'n kliënt van Tjombe, te betaal vir 'n aanranding en onwettige inhegtenisneming in April 2019.
GESLAGSGEBASEERDE GEWELD
Die regering se regstryde duur steeds voort met minstens nog 20 siviele regsgedinge wat aan die gang is waarin burgerlikes gesamentlike skadevergoeding van sowat N$20 miljoen eis – waarvan talle deur vroue en minderjariges aanhangig gemaak is.
Onder hulle is 'n regsgeding wat deur me. Jane Jelinda Owoses aanhangig gemaak is.
Sy dagvaar die regering vir N$150 000 nadat die polisie en soldate glo by haar huis ingebars het terwyl hulle besig was om haar dogter, wat hulle verfilm het terwyl hulle ander inwoners tydens Operasie Hornkranz aanrand, agterna te sit.
• Me. Lenie Margrate Thys dagvaar vir N$100 000 en beweer 'n soldaat het haar in Junie 2019 met 'n AK-47-aanvalsgeweer geslaan totdat sy flou geword het.
• Die LAC staan ook verskeie klaers by wat die polisie vir sowat N$600 000 elk dagvaar in verband met 'n groeparrestasie van minderjariges etlike jare gelede in Eenhana. Dié groep beweer hulle is gedwing om “soos 'n haan te kraai”, met brandblussers gespuit, en andersins gemartel en gedreig.
• Me. Rachel Shipa, 'n inwoner van Oshakati, dagvaar die regering vir N$2 miljoen en beweer sy is in Julie 2020 tydens 'n onwettige klopjag op haar woning geskiet. Die koeël is steeds in haar bors.
• Me. Asteria Mbidama dagvaar die polisie vir N$400 000 nadat sy glo met knuppels geslaan is.
• Twee minderjariges wat na bewering tydens Operasie Kalahariwoestyn aangerand is, het vir meer as N$400 000 se gesamentlike skadevergoeding gedagvaar.
GEWELDDADIGE OPTREDE
Me. Inge Shimoneni, die ma van mnr. Benisius Kalola wat deur 'n soldaat doodgeskiet is omdat hy 'n klopjag verfilm het wat tydens Operasie Kalahariwoestyn uitgevoer is, dagvaar die regering vir N$1,6 miljoen. Bemiddelingsgesprekke duur voort.
• 'n Inwoner van Puros, mnr. Collin Uamanajo Kasupi, het die polisie vanjaar vir N$2 miljoen se skadevergoeding gedagvaar omdat die polisie hom na bewering in Mei 2020 aangeval het. Hulle het glo gedreig om hom dood te maak en 'n “plastieksak is met geweld en herhaaldelik oor sy kop geplaas asof hulle hom wou versmoor”.
• Mnr. Africa Lipuleni Fikuloye, 'n inwoner van Oshakati, dagvaar die polisie vir N$900 000 nadat hulle hom glo bewusteloos geslaan het.
• Mnr. Taleni Petrus Manja se hofsaak is aan die gang nadat hy die polisie en die Namibiese weermag (NDF) vir N$1 miljoen in skadevergoeding gedagvaar het. Manja was een van die eerste burgerlikes wat na bewering aangerand is kort nadat Operasie Hornkranz in Desember 2018 van stapel gestuur is.
• Uitspraak sal einde November gelewer word in die saak wat aanhangig gemaak is deur mnr. Ebson Katire, wat die polisie vir N$900 000 gedagvaar het nadat hy glo in September 2019 agterin 'n polisievangwa aangerand is terwyl hy vir meer as 'n uur geboei was.
• 'n Kommunale boer, mnr. Vaongauza Tjambiru, het vanjaar 'n siviele regsgeding van N$2 miljoen teen die polisie aanhangig gemaak oor hy na bewering in Mei verlede jaar naby Puros aangerand is.
• Nog 'n eis van N$2 miljoen teen die polisie is vroeër vanjaar deur mnr. David Shambo, 'n vleisverkoper van Windhoek, ingedien nadat die polisie hom glo in Junie 2020 erg aangerand het. - [email protected]
Die regering het Maandag ingestem om N$100 000 aan mnr. Johannes Nduwe te betaal – sowel as sy regskoste vir 'n ongespesifiseerde bedrag – vir 'n aanranding wat hy in Januarie 2020 tydens Operasie Kalahariwoestyn in Goreangab moes verduur.
Die menseregteprokureur mnr. Norman Tjombe het as Nduwe se regsverteenwoordiger opgetree.
In September het die regering ingestem om N$250 000 te betaal aan mnr. Jesaja Nelumbu Hango, nog een van Tjombe se kliënte, wat tydens die eerste inperking verlede jaar deur polisiebeamptes en soldate in Swakopmund aangerand is.
Daarbenewens het die hof die regering beveel om Hango se regskoste van N$100 000 te dek.
BELASTINGGELD
Aan die einde van Oktober het die regering ingestem om N$50 000 te betaal aan mnr. Brian Jaftha, 'n dagga-aktivis wat tydens 'n klopjag op sy woning in April 2019 aangerand is.
Sy medeklaer, mnr. Haindere Pasakalius, het ingestem tot vergoeding van N$15 000 om sy regsgeding te skik.
• In September moes die regering N$90 000 opdok vir mnr. Fares Tjaverua nadat hy in April 2019 tydens Operasie Hornkranz aangerand is.
• Tjaverua is aangerand nadat hy gewaar is waar hy Hornkranz-lede verfilm wat ander inwoners aanrand.
• Die regering het in Mei 'n skikkingsooreenkoms van N$250 000 met me. Luise Taakambadhala Mwanyangapo onderteken nadat sy glo in April 2019 deur soldate aangeval is.
• Die polisie en veiligheidsmagte het in Maart skadevergoeding van N$30 000 aan mnr. Alexander Ngoma Afonso uitbetaal wat in Mei 2019 deur die polisie en weermag aangerand is. Afonso is een van verskeie pro-bono-kliënte wat die regering dagvaar vir onwettige aanrandings en inhegtenisnemings aan die hand van die regering se gewapende magte en word deur die Regshulpsentrum (LAC) bygestaan.
• In Augustus het hoërhofregter Dinnah Usiku die regering beveel om N$30 000 se skadevergoeding aan mnr. Kyle Sullivan, ook 'n kliënt van Tjombe, te betaal vir 'n aanranding en onwettige inhegtenisneming in April 2019.
GESLAGSGEBASEERDE GEWELD
Die regering se regstryde duur steeds voort met minstens nog 20 siviele regsgedinge wat aan die gang is waarin burgerlikes gesamentlike skadevergoeding van sowat N$20 miljoen eis – waarvan talle deur vroue en minderjariges aanhangig gemaak is.
Onder hulle is 'n regsgeding wat deur me. Jane Jelinda Owoses aanhangig gemaak is.
Sy dagvaar die regering vir N$150 000 nadat die polisie en soldate glo by haar huis ingebars het terwyl hulle besig was om haar dogter, wat hulle verfilm het terwyl hulle ander inwoners tydens Operasie Hornkranz aanrand, agterna te sit.
• Me. Lenie Margrate Thys dagvaar vir N$100 000 en beweer 'n soldaat het haar in Junie 2019 met 'n AK-47-aanvalsgeweer geslaan totdat sy flou geword het.
• Die LAC staan ook verskeie klaers by wat die polisie vir sowat N$600 000 elk dagvaar in verband met 'n groeparrestasie van minderjariges etlike jare gelede in Eenhana. Dié groep beweer hulle is gedwing om “soos 'n haan te kraai”, met brandblussers gespuit, en andersins gemartel en gedreig.
• Me. Rachel Shipa, 'n inwoner van Oshakati, dagvaar die regering vir N$2 miljoen en beweer sy is in Julie 2020 tydens 'n onwettige klopjag op haar woning geskiet. Die koeël is steeds in haar bors.
• Me. Asteria Mbidama dagvaar die polisie vir N$400 000 nadat sy glo met knuppels geslaan is.
• Twee minderjariges wat na bewering tydens Operasie Kalahariwoestyn aangerand is, het vir meer as N$400 000 se gesamentlike skadevergoeding gedagvaar.
GEWELDDADIGE OPTREDE
Me. Inge Shimoneni, die ma van mnr. Benisius Kalola wat deur 'n soldaat doodgeskiet is omdat hy 'n klopjag verfilm het wat tydens Operasie Kalahariwoestyn uitgevoer is, dagvaar die regering vir N$1,6 miljoen. Bemiddelingsgesprekke duur voort.
• 'n Inwoner van Puros, mnr. Collin Uamanajo Kasupi, het die polisie vanjaar vir N$2 miljoen se skadevergoeding gedagvaar omdat die polisie hom na bewering in Mei 2020 aangeval het. Hulle het glo gedreig om hom dood te maak en 'n “plastieksak is met geweld en herhaaldelik oor sy kop geplaas asof hulle hom wou versmoor”.
• Mnr. Africa Lipuleni Fikuloye, 'n inwoner van Oshakati, dagvaar die polisie vir N$900 000 nadat hulle hom glo bewusteloos geslaan het.
• Mnr. Taleni Petrus Manja se hofsaak is aan die gang nadat hy die polisie en die Namibiese weermag (NDF) vir N$1 miljoen in skadevergoeding gedagvaar het. Manja was een van die eerste burgerlikes wat na bewering aangerand is kort nadat Operasie Hornkranz in Desember 2018 van stapel gestuur is.
• Uitspraak sal einde November gelewer word in die saak wat aanhangig gemaak is deur mnr. Ebson Katire, wat die polisie vir N$900 000 gedagvaar het nadat hy glo in September 2019 agterin 'n polisievangwa aangerand is terwyl hy vir meer as 'n uur geboei was.
• 'n Kommunale boer, mnr. Vaongauza Tjambiru, het vanjaar 'n siviele regsgeding van N$2 miljoen teen die polisie aanhangig gemaak oor hy na bewering in Mei verlede jaar naby Puros aangerand is.
• Nog 'n eis van N$2 miljoen teen die polisie is vroeër vanjaar deur mnr. David Shambo, 'n vleisverkoper van Windhoek, ingedien nadat die polisie hom glo in Junie 2020 erg aangerand het. - [email protected]
Kommentaar
Republikein
Geen kommentaar is op hierdie artikel gelaat nie