Beskerm ietermagôs

Sedert 21 Julie 2017 tot 31 Januarie vanjaar is 77 mense in Namibië in hegtenis geneem vir handel in ietermagôs, en is 19 lewendige diere en 32 ietermagôvelle gekonfiskeer. Met Wêrelddag vir Ietermagôs wat Sondag gevier word, word gefokus op een van dié diere ter wêreld waarmee die meeste handel gedryf word. Dit weens 'n groot aanvraag in veral Asië vir hul skubbe. Sou iemand in Namibië die onwettige handel van ietermagôs wil aanmeld, kan hulle 081 413 2214 of 081 423 2231 skakel. Inligting sal vertroulik hanteer word.