Beskuldigde ontken kindermoord
''n Inwoner van Keetmanshoop wat daarvan beskuldig word dat hy ''n sesjarige seuntjie verwurg het, ontken die klagte teen hom.
Jacqueline Louw - Die 32-jarige mnr. Desmond Cornelius Vries wat op ''n klag van moord en twee klagte van aanranding tereg staan, pleit onskuldig op al die klagte teen hom in die verhoor wat verlede week voor waarnemende regter Boas Usiku begin het.
Vries het na bewering die sesjarige Curtus Shille van der Westhuizen in die nag van 31 Oktober 2013 vermoor deur hom te slaan, te skop en te wurg. Hy het glo die lykie in ''n bed saam met ''n ander kind geplaas waar hy later dood aangetref is.
Die staat beweer verder dat Vries gedurende Oktober 2013 gedreig het om sy meisie, Florencia Florida Piete, te vermoor.
Curtus was die seun van me. Clemencia van der Westhuizen, ''n niggie van Piete wat in ''n romantiese verhouding met die beskuldigde was.
Van der Westhuizen was Dinsdag in die getuiebank om oor die gebeure van die moord te getuig.
Volgens haar het sy op die dag van die moord ''n dreigement via ''n derde party van Vries ontvang tot die effek dat sy daardie dag sal huil.
Sy het ook vertel dat sy deur haar werkgewer ingelig is dat haar kind dood is.
Mnr. Simba Nduna verteenwoordig die staat.
Vries het na bewering die sesjarige Curtus Shille van der Westhuizen in die nag van 31 Oktober 2013 vermoor deur hom te slaan, te skop en te wurg. Hy het glo die lykie in ''n bed saam met ''n ander kind geplaas waar hy later dood aangetref is.
Die staat beweer verder dat Vries gedurende Oktober 2013 gedreig het om sy meisie, Florencia Florida Piete, te vermoor.
Curtus was die seun van me. Clemencia van der Westhuizen, ''n niggie van Piete wat in ''n romantiese verhouding met die beskuldigde was.
Van der Westhuizen was Dinsdag in die getuiebank om oor die gebeure van die moord te getuig.
Volgens haar het sy op die dag van die moord ''n dreigement via ''n derde party van Vries ontvang tot die effek dat sy daardie dag sal huil.
Sy het ook vertel dat sy deur haar werkgewer ingelig is dat haar kind dood is.
Mnr. Simba Nduna verteenwoordig die staat.
Kommentaar
Republikein
Geen kommentaar is op hierdie artikel gelaat nie