Besoek NMH vir Covid-toetse

Toon jy simptome en vermoed jy jy het Covid-19? Namibia Media Holdings (NMH) bied van môre af vir die publiek die geleentheid om blits- sowel as polimerase-kettingreaksie (PCR)-toetse te laat doen. Die toetssentrum is daagliks van 08:00 tot 16:00 oop en is geleë in die parkeerterrein regs van die hoofingang in Genl. Murtala Muhammedrylaan in Eros. Blitstoetse se uitslae is binne 15 minute beskikbaar, terwyl PCR-toetse se uitslae binne 48 uur uitgereik word. Die blitstoetse kos N$500 en die PCR-toetse N$720. Reissertifikate word teen 'n bykomende koste uitgereik. Bespreek aanlyn by [email protected]. Vir meer inligting, bel 081 788 3383.