‘Bierfilosofie’ vier 500 jaar

Namibia Breweries (NBL) en die res van die bierdrinkende wêreld vier tans die 500 jaar-herdenking van die Reinheitsgebot - ’n “broufilosofie” waarvolgens net gemoute gort, hops en water gebruik mag word. Die vieringe het ­Saterdag begin. Op die foto sny mnr. Wessie van der Westhuizen (links), bestuurder van NBL, en mnr. Sven Thieme, uitvoerende voorsitter van die Ohlthaver & List-groep ’n koek om dié 500ste verjaardag te vier. Belangstellendes kan op O&L se Facebook-blad gaan kyk vir meer inligting. Foto Francios Olivier