Biologiese monsters van uiterste belang
Tanja Bause
Nog ’n jong boggelrugwalvis het Saterdag by Swakopmund uitgespoel.
Chelsea Kovalcsik, die veldopleidingsbeampte van die Namibian Dolphin Project (NDP), het monsters van die soogdier geneem en omstanders ingelig oor hoekom die biologiese monsters belangrik is.
“Hy is baie maer en ek hoop ons kan deur die monsters vasstel waaraan hy dood is. Dis hoekom dit so belangrik is vir mense om ons so spoedig as moontlik te kontak wanneer hulle ’n gestrande walvis of dolfyn teëkom. Die biologiese monsters is belangrik vir ons navorsing en met ’n toename in gestrande diere, is dit belangriker as ooit van te vore,” het sy gesê.
Die jong boggelrugwalvis het by die geel koswaentjie Fork ’n Nice naby die Mole uitgespoel.
“Die populasie van boggelrugwalvisse langs die westelike kus van Afrika is baie groot en word op 10 000 geskat. Ons kan dus natuurlike sterftes verwag. Die aantal sterftes dié tyd van die jaar kan moontlik aan honger toegeskryf word. Die diere swem terug na die suidelike oseane vir kos. Dus het hulle vir die afgelope paar maande nie behoorlik geëet nie.”
Mense wat lewende gestrande diere teëkom moet die NDP so gou as moontlik op 081 687 6461 of WhatsApp of op hul Facebook-blad “Namibian Dolphin Project” kontak. - [email protected]
Nog ’n jong boggelrugwalvis het Saterdag by Swakopmund uitgespoel.
Chelsea Kovalcsik, die veldopleidingsbeampte van die Namibian Dolphin Project (NDP), het monsters van die soogdier geneem en omstanders ingelig oor hoekom die biologiese monsters belangrik is.
“Hy is baie maer en ek hoop ons kan deur die monsters vasstel waaraan hy dood is. Dis hoekom dit so belangrik is vir mense om ons so spoedig as moontlik te kontak wanneer hulle ’n gestrande walvis of dolfyn teëkom. Die biologiese monsters is belangrik vir ons navorsing en met ’n toename in gestrande diere, is dit belangriker as ooit van te vore,” het sy gesê.
Die jong boggelrugwalvis het by die geel koswaentjie Fork ’n Nice naby die Mole uitgespoel.
“Die populasie van boggelrugwalvisse langs die westelike kus van Afrika is baie groot en word op 10 000 geskat. Ons kan dus natuurlike sterftes verwag. Die aantal sterftes dié tyd van die jaar kan moontlik aan honger toegeskryf word. Die diere swem terug na die suidelike oseane vir kos. Dus het hulle vir die afgelope paar maande nie behoorlik geëet nie.”
Mense wat lewende gestrande diere teëkom moet die NDP so gou as moontlik op 081 687 6461 of WhatsApp of op hul Facebook-blad “Namibian Dolphin Project” kontak. - [email protected]
Kommentaar
Republikein
Geen kommentaar is op hierdie artikel gelaat nie