Botma-moordsaak: Beskuldigdes in hof
Die verhoor sou gister begin het, maar is met drie dae uitgestel.
Kristien Kruger – Die drie beskuldigdes wat daarop tereg staan dat hulle mnr. Giel Botma (79) en sy 80-jarige vrou, Sarie, in Februarie 2018 op hul plaas naby Koës vermoor het, moes gister in die hoërhof in Windhoek verskyn, maar die verhoor is tot 5 November uitgestel.
Die Botmas is op hul plaas Lindeshof aangeval – hy is geskiet en sy is met 'n skerp voorwerp aangeval en verwurg.
Mnre. Julius Frederick “Lemmie” Arndt (41), Andries Afrikaner (38) en Johannes Christiaan (37) staan tereg op twee klagte van moord, huisbraak met die opset om te roof en roof, asook die diefstal van die egpaar se bakkie en 'n vuurwapen.
Arndt het ook 'n bykomende klag van diefstal en huisbraak met die opset om te steel omdat hy na bewering die aand voor die moord by die plaas ingebreek en sowat N$500 uit die kantoor gesteel het.
Die verhoor is tot Donderdag uitgestel omdat een van die beskuldigdes 'n ander prokureur van Legal Aid aangevra het. Hy is glo ontevrede met sy huidige prokureur.
GEMEENSKAP SE STILLE PROTES
Die moord op die Botmas het destyds groot opspraak gemaak in die suide van Namibië. Sowat 350 boere en ander inwoners het op 5 Februarie verlede jaar na die landdroshof op Keetmanshoop opgeruk toe die vermeende moordenaars hul eerste verskyning gemaak het.
Hulle teenwoordigheid was in stille protes teen die mans se moontlike vrylating op borgtog.
Christiaan is in Maart 2019 in die landdroshof op Keetmanshoop op borgtog van N$10 000 vrygelaat.
Arndt en Afrikaner is in aanhouding by die Windhoek Sentrale Gevangenis. - [email protected]
Die Botmas is op hul plaas Lindeshof aangeval – hy is geskiet en sy is met 'n skerp voorwerp aangeval en verwurg.
Mnre. Julius Frederick “Lemmie” Arndt (41), Andries Afrikaner (38) en Johannes Christiaan (37) staan tereg op twee klagte van moord, huisbraak met die opset om te roof en roof, asook die diefstal van die egpaar se bakkie en 'n vuurwapen.
Arndt het ook 'n bykomende klag van diefstal en huisbraak met die opset om te steel omdat hy na bewering die aand voor die moord by die plaas ingebreek en sowat N$500 uit die kantoor gesteel het.
Die verhoor is tot Donderdag uitgestel omdat een van die beskuldigdes 'n ander prokureur van Legal Aid aangevra het. Hy is glo ontevrede met sy huidige prokureur.
GEMEENSKAP SE STILLE PROTES
Die moord op die Botmas het destyds groot opspraak gemaak in die suide van Namibië. Sowat 350 boere en ander inwoners het op 5 Februarie verlede jaar na die landdroshof op Keetmanshoop opgeruk toe die vermeende moordenaars hul eerste verskyning gemaak het.
Hulle teenwoordigheid was in stille protes teen die mans se moontlike vrylating op borgtog.
Christiaan is in Maart 2019 in die landdroshof op Keetmanshoop op borgtog van N$10 000 vrygelaat.
Arndt en Afrikaner is in aanhouding by die Windhoek Sentrale Gevangenis. - [email protected]
Kommentaar
Republikein
Geen kommentaar is op hierdie artikel gelaat nie