Botma-moordverhoor se nuwe datum eers in 2022
Die drie beskuldigdes in ’n dubbele moord, wat daarop tereg staan dat hulle in 2018 ’n bejaarde egpaar op hul plaas in Koës vermoor het, se verhoor is weer eens uitgestel en sal waarskynlik eers volgende jaar hervat.
Kristien Kruger – Die staat was gister gereed om voort te gaan en vier staatsgetuies het in die hof se voorportaal gewag om te getuig, maar die moordverhoor is uitgestel aangesien een van die beskuldigdes se regsverteenwoordigers onverwags besluit het om hom van die verhoor te onttrek.
Mnre. Julius Frederick (Lemmie) Arndt (41), Johannes Christiaan (37) en Andries Afrikaner (38) word daarvan beskuldig dat hulle mnr. Giel Botma (79) en sy 80-jarige vrou, Sarie, in Februarie 2018 op hul plaas naby Koës vermoor het.
Die Botmas is op hul plaas Lindeshof aangeval. Hy is geskiet en sy is na bewering verkrag en met ’n skoenveter verwurg.
Afrikaner en sy regsverteenwoordiger, mnr. Linus Samaria, het gister in die hoërhof in Windhoek, voor die verhoor nog begin het, oor ’n kwessie verskil en Samaria het besluit om homself te onttrek.
Die hof sal vir Afrikaner geleentheid gee om weer aansoek om regshulp te doen en ’n nuwe regsverteenwoordiger te verkry.
Regter Dinnah Usiku het die saak uitgestel tot komende Vrydag (1 Oktober) sodat nuwe datums vir die verhoor geskeduleer kan word.
“Die verhoor sal wel nie vanjaar nog kan geskied nie. Die hof se datums vir die res van die jaar is reeds vol,” het Usiku gesê.
Die drie beskuldigdes staan tereg op twee klagte van moord, huisbraak met die opset om te roof, asook die diefstal van die egpaar se bakkie en 'n vuurwapen.
Arndt en Afrikaner is in aanhouding en Christiaan is vry op borgtog.
Mnr. Marthino Olivier is die staatsaanklaer.
– [email protected]
FOTO’s
Mnr. Giel Botma (79) en sy vrou, Sarie (80), is in Februarie 2018 op hul plaas naby Koës vermoor. Foto Argief
Mnre. Julius Frederick “Lemmie” Arndt (41), Andries Afrikaner (38) en Johannes Christiaan (37) staan tereg op twee klagtes van moord, verkragting en diefstal. Foto Argief
Mnre. Julius Frederick (Lemmie) Arndt (41), Johannes Christiaan (37) en Andries Afrikaner (38) word daarvan beskuldig dat hulle mnr. Giel Botma (79) en sy 80-jarige vrou, Sarie, in Februarie 2018 op hul plaas naby Koës vermoor het.
Die Botmas is op hul plaas Lindeshof aangeval. Hy is geskiet en sy is na bewering verkrag en met ’n skoenveter verwurg.
Afrikaner en sy regsverteenwoordiger, mnr. Linus Samaria, het gister in die hoërhof in Windhoek, voor die verhoor nog begin het, oor ’n kwessie verskil en Samaria het besluit om homself te onttrek.
Die hof sal vir Afrikaner geleentheid gee om weer aansoek om regshulp te doen en ’n nuwe regsverteenwoordiger te verkry.
Regter Dinnah Usiku het die saak uitgestel tot komende Vrydag (1 Oktober) sodat nuwe datums vir die verhoor geskeduleer kan word.
“Die verhoor sal wel nie vanjaar nog kan geskied nie. Die hof se datums vir die res van die jaar is reeds vol,” het Usiku gesê.
Die drie beskuldigdes staan tereg op twee klagte van moord, huisbraak met die opset om te roof, asook die diefstal van die egpaar se bakkie en 'n vuurwapen.
Arndt en Afrikaner is in aanhouding en Christiaan is vry op borgtog.
Mnr. Marthino Olivier is die staatsaanklaer.
– [email protected]
FOTO’s
Mnr. Giel Botma (79) en sy vrou, Sarie (80), is in Februarie 2018 op hul plaas naby Koës vermoor. Foto Argief
Mnre. Julius Frederick “Lemmie” Arndt (41), Andries Afrikaner (38) en Johannes Christiaan (37) staan tereg op twee klagtes van moord, verkragting en diefstal. Foto Argief
Kommentaar
Republikein
Geen kommentaar is op hierdie artikel gelaat nie