Brexit is goeie nuus vir SA handel
Riana De Lange - Die Britte se besluit om die Europese Unie (EU) te verlaat en die gevolglike nuwe handelsooreenkomste wat Brittanje met talle vennote sal moet sluit, kan gunstig vir Suid-Afrika wees.
Theo Venter, politieke en beleidspesialis van die Noordwes-Universiteit (NWU) se sakeskool in Potchefstroom, sê die plaaslike voertuigmark en veral die landbousektor kan baat vind by nuwe handelsooreenkomste, omdat Brittanje ná Brexit nie meer onderworpe sal wees aan die streng EU-reëls nie.
Die uitvoer van landbouprodukte soos druiwe, pluimvee en lemoene kan aangehelp word indien gunstige handelsooreenkomste met die Britte beklink sou word. Die EU is byvoorbeeld baie streng oor swartvlek op lemoene, maar die Britte is meer ¬toegeeflik, sê hy.
“Onthou ook dat die vervaardiging van Land Rover se Discovery hier gestaak is omdat dit nie aan Europese standaarde oor veiligheid en gasvrystellings voldoen het nie.”
May konsentreer op Europa
Die Britse premier, Theresa May, het Dinsdag in ’n toespraak oor die Brexit-proses sekere lande by name genoem met verwysing na nuwe handelsooreenkomste.
Volgens haar het China, Brasilië en van die Golfstate al gesê hulle stel belang om handelsooreenkomste met Brittanje te sluit.
Venter sê May se toespraak was gerig op Britte en Euro¬¬peërs, en dit is nie verbasend dat sy nie lande soos Suid-Afrika genoem het nie.
In ’n dokument van die Suid-Afrikaanse Instituut vir Internasionale Betrekkinge (SAIIA), skryf die navorsers Asmita Parshotam, Cyril Prinsloo en Elizabeth Sidiropoulos, Suid-Afrikaanse uitvoer na die EU het in 2015 meer as US$17,1 miljard beloop.
Brittanje het twee jaar gelede sowat 20% van alle Suid-Afrikaanse goedere ontvang wat vir Europa bedoel was. Handel met Brittanje verteenwoordig 3,7% van Suid-Afrika se handel met die res van die wêreld. Uitvoer na Brittanje sluit in platinum, druiwe, sitrus en appels.
Onderhandelinge oor handelsooreenkomste kan in alle erns begin wanneer Brittanje artikel 50 van die Lissabon-verslag aktiveer en Brexit amptelik begin. Suid-Afrika moet egter proaktief wees oor sy toekomstige betrekkinge met Brittanje.
Davies bemark SA
Dr. Rob Davies, minister van handel en nywerheid, sal Brittanje die komende week besoek.
“Die besoek hou verband met Brexit en ook om Suid-Afrikaanse beleggingsgeleenthede onder Britse beleggers se aandag te bring,” het Davies in ’n verklaring gesê.
SAIIA se navorsingsdokument, wat kort voor die Brexit-stem in Junie verlede jaar gepubliseer is, het gesê in geval van ’n jastem sal die Ekonomiese Vennootskapsooreenkoms (VPA) tussen die EU en die Suider-Afrikaanse Ontwikkelingsgemeenskap (SAOG) nie meer wetlik bindend wees op Brittanje nie.
Die invoer van hoenderstukke uit die EU en tariewe daarop val onder meer onder dié ooreenkoms.
Venter sê om die voordeligste ooreenkomste met Brittanje te beding, moet Suid-Afrika ophou “om eie doele aan te teken”.
“Pravin Gordhan is polities en ekonomies met sy rug teen die muur, maar die land kan nie bekostig dat hy sy energie verspil op binnegevegte in die ANC nie.” Netwerk24
Theo Venter, politieke en beleidspesialis van die Noordwes-Universiteit (NWU) se sakeskool in Potchefstroom, sê die plaaslike voertuigmark en veral die landbousektor kan baat vind by nuwe handelsooreenkomste, omdat Brittanje ná Brexit nie meer onderworpe sal wees aan die streng EU-reëls nie.
Die uitvoer van landbouprodukte soos druiwe, pluimvee en lemoene kan aangehelp word indien gunstige handelsooreenkomste met die Britte beklink sou word. Die EU is byvoorbeeld baie streng oor swartvlek op lemoene, maar die Britte is meer ¬toegeeflik, sê hy.
“Onthou ook dat die vervaardiging van Land Rover se Discovery hier gestaak is omdat dit nie aan Europese standaarde oor veiligheid en gasvrystellings voldoen het nie.”
May konsentreer op Europa
Die Britse premier, Theresa May, het Dinsdag in ’n toespraak oor die Brexit-proses sekere lande by name genoem met verwysing na nuwe handelsooreenkomste.
Volgens haar het China, Brasilië en van die Golfstate al gesê hulle stel belang om handelsooreenkomste met Brittanje te sluit.
Venter sê May se toespraak was gerig op Britte en Euro¬¬peërs, en dit is nie verbasend dat sy nie lande soos Suid-Afrika genoem het nie.
In ’n dokument van die Suid-Afrikaanse Instituut vir Internasionale Betrekkinge (SAIIA), skryf die navorsers Asmita Parshotam, Cyril Prinsloo en Elizabeth Sidiropoulos, Suid-Afrikaanse uitvoer na die EU het in 2015 meer as US$17,1 miljard beloop.
Brittanje het twee jaar gelede sowat 20% van alle Suid-Afrikaanse goedere ontvang wat vir Europa bedoel was. Handel met Brittanje verteenwoordig 3,7% van Suid-Afrika se handel met die res van die wêreld. Uitvoer na Brittanje sluit in platinum, druiwe, sitrus en appels.
Onderhandelinge oor handelsooreenkomste kan in alle erns begin wanneer Brittanje artikel 50 van die Lissabon-verslag aktiveer en Brexit amptelik begin. Suid-Afrika moet egter proaktief wees oor sy toekomstige betrekkinge met Brittanje.
Davies bemark SA
Dr. Rob Davies, minister van handel en nywerheid, sal Brittanje die komende week besoek.
“Die besoek hou verband met Brexit en ook om Suid-Afrikaanse beleggingsgeleenthede onder Britse beleggers se aandag te bring,” het Davies in ’n verklaring gesê.
SAIIA se navorsingsdokument, wat kort voor die Brexit-stem in Junie verlede jaar gepubliseer is, het gesê in geval van ’n jastem sal die Ekonomiese Vennootskapsooreenkoms (VPA) tussen die EU en die Suider-Afrikaanse Ontwikkelingsgemeenskap (SAOG) nie meer wetlik bindend wees op Brittanje nie.
Die invoer van hoenderstukke uit die EU en tariewe daarop val onder meer onder dié ooreenkoms.
Venter sê om die voordeligste ooreenkomste met Brittanje te beding, moet Suid-Afrika ophou “om eie doele aan te teken”.
“Pravin Gordhan is polities en ekonomies met sy rug teen die muur, maar die land kan nie bekostig dat hy sy energie verspil op binnegevegte in die ANC nie.” Netwerk24
Kommentaar
Republikein
Geen kommentaar is op hierdie artikel gelaat nie