Britse minister praat met Gordhan

Philip Hammond, Britse minister van finansies, het gister in Pretoria met Pravin Gordhan, sy Suid-Afrikaanse ampsgenoot, en Maite Nkoana-Mashabane, minister van internasionale betrekkinge en samewerking, gesprek gevoer.Sakeleiers was ook teenwoordig.Hammond, wat as Britse minister van finansies by George Osborne oorgeneem het nadat Brittanje vroeër vanjaar besluit het om hom aan die Europese Unie (EU) te onttrek, was onder meer ook by die Johannesburgse aandelebeurs. Hy sal Kaapstad ook besoek voordat hy na Japan en Suid-Korea reis.Hammond het in sy gesprekke in Pretoria met politici en sakeleiers onder meer £35 miljoen (sowat R630 miljoen) oor die volgende vier jaar vir ’n nuwe welvaartprogram beloof, £28 miljoen (sowat R504 miljoen) om die huidige Newton-ooreenkoms tussen Brittanje en Suid-Afrika oor wetenskap en innovasie tot 2021 te verleng, en ’n skenking van £4,8 miljoen (sowat R86 miljoen) vir die Afrika-risikoagentskap waar Afrikaregerings versekering teen natuurrampe en mislukte oeste kan uitneem.Die doel van Hammond se besoek is om bande met ander lande in die wêreld te versterk voordat Brittanje hom finaal aan die EU onttrek, het die Britse hoëkommissariaat in ’n verklaring gesê.Brittanje sal steeds ekonomiese bande met sy Europese bure hê, maar wil terselfdertyd sterk bande met lande buite Europa hê, het Hammond luidens ’n verklaring gesê.Suid-Afrika is Brittanje se vernaamste handelsvennoot in Afrika. Die handel tussen die twee lande het verlede jaar sowat R144 miljard beloop. Netwerk24

Britse minister praat met Gordhan

Kommentaar

Republikein 2025-04-16

Meld asseblief aan om kommentaar te lewer

Britse minister praat met Gordhan

Kommentaar

Republikein 2025-04-16

Meld asseblief aan om kommentaar te lewer

MELD AAN

Advertensie