Bruidspaar sê dankie vir bederf

Republikein se bruidspaar van die jaar, Rebecca en Joel Eelu, het onlangs hul hoofprys wat deur Trip Travel geborg is, terdeë geniet. Die prys het verblyf by die luukse Shipwreck Lodge langs die Namibiese kus ingesluit, asook vlugte daarheen met Fly Westair. Die bruidspaar spreek hul dank uit aan Trip Travel, Fly Westair vir die vlug na Möwebaai, die personeel van die lodge vir hul uitstaande diens en Julian Zvitendo van Draycott Multimedia vir hul mooi foto’s. Die tiende uitgawe van Republikein se Bruidspaar van die Jaar-kompetisie begin op 1 Julie, met die finaal wat op Saterdag 6 November tydens die Namibië Toerisme Ekspo (NTE) in die hoofstad plaasvind.