Buitelandse beleggings: Geleenthede wink

Vida Booysen – Toe die rand aan die begin van 2016 tot byna R17/$ getuimel het, het baie beleggers paniekerig hul geld buiteland toe verskuif.Dié beleggers het sedertdien gemeet in randwaarde swak opbrengste gekry namate die geldeenheid aan die einde van 2017 en die begin van 2018 versterk het.Dis juis hieroor dat baie beleggers sku geraak het om nog geld in die buiteland te belê, sê Richard Bray, hoof van strategie en kleinhandelkliënte-oplossings by Sanlam Investments.Dié batebestuurder is een van die deelnemers aan Volksblad, Jenwil BlouSter Finansiële Adviesdienste, Glacier van Sanlam en Radio Rosestad se Welvaartkongres in Bloemfontein op 25 September.Maar Bray sê daar is tog faktore wat nie tydsgebonde is nie wat ’n baie sterk saak uitmaak vir gereelde buitelandse beleggings.’n Magdom geleenthedeIn die reuse- internasionale landskap verteenwoordig Suid-Afrika maar 1% van die globale bruto binnelandse produk.Deur jou slegs aan randgebaseerde plaaslike beleggings te verbind, verbeur jou kliënte ’n magdom beleggingsgeleenthede wat nie plaaslik beskikbaar is nie.Dit sluit in die alternatiewe energiesektor, grootskaalse kommersiële landbou, biotegnologie, vliegtuigvervaardigers en vele ander.Diversifikasie is belangrikSuid-Afrika is ’n hulpbron-afhanklike ontluikende mark en ontluikende markte kan dikwels wisselvallig wees terwyl gevestigde markte die vooruitsig van stabieler groei bied. ’n Gebalanseerde blootstelling aan albei soorte markte bied groei sonder buitengewone risiko.’n Belegger kan ook baat vind by ’n geografiese verspreiding, dit wil sê om in verskillende lande in verskillende stadia van hul groeisiklusse te belê.Deur ’n mens se portefeulje oor verskillende ekonomieë te versprei, kan jy ook jou opbrengste minder wisselvallig maak.Buitelandse bates bied verskansing teen ’n swak randDie rand is ’n struktureel swak geldeenheid wat histories teenoor die dollar waarde verloor het. Sedert 1990, die jaar waarin die Suid-Afrikaanse Reserwebank ware monetêre onafhanklikheid verkry het, het die rand jaarliks met gemiddeld 6% teenoor die Amerikaanse dollar verswak, en hierdie neiging sal na verwagting voortduur.Ons huidige fiskale situasie, met groot tekorte op die lopende rekening en die begroting, hou niks goeds vir die rand in nie.Maar ’n buitelandse belegging kan die waarde van ’n mens se portefeulje in randterme verhoog en ’n randverskansing bied as die geldeenheid verswak.Strukturele uitdagings vir Suid-AfrikaAfgesien van die neiging van ’n verswakkende rand is daar ook ’n aantal spesifieke strukturele probleme wat Suid-Afrika tans in die gesig staar, soos lustelose ekonomiese groei en ’n werkloosheidskoers van meer as 25%. Dié faktore, tesame met die groeiende fiskale tekort, maak die land weerloos teen negatiewe sentiment en die skielike onttrekking van kapitaalbeleggings – wat ’n swak rand verder afdruk.Hoeveel moet ’n mens oorsee belê?Navorsing deur verskeie batebestuurders dui daarop dat die optimale buitelandse belegging 30% van jou portefeulje moet beloop, of selfs meer. Dié persentasie sal waarskynlik effens laer wees vir konserwatiewe beleggers en hoër vir aggressiewe beleggers. Meer as 30% van die Suid-Afrikaanse inflasiemandjie is ingevoerde inflasie, wat verdere stukrag verleen aan ’n langtermyntoewysing van minstens 30% in buitelandse bates. – Netwerk24

Buitelandse beleggings: Geleenthede wink

Kommentaar

Republikein 2025-04-16

Meld asseblief aan om kommentaar te lewer

Buitelandse beleggings: Geleenthede wink

Kommentaar

Republikein 2025-04-16

Meld asseblief aan om kommentaar te lewer

MELD AAN

Advertensie