Bulle ’n span wat wíl wen – Jake

Cobus Claassen – Die Bulle het elf jaar laas die Curriebeker gewen en moes so amper nóg langer gewag het. Sy spelers weet nou wat dit verg om dié beker te wen en dit sou vir veral die jong manne baie waardevol gewees het, sê Jake White, hoofafrigter van die nuwe Curriebeker-kampioenspan.Die Bulle het Saterdag in bykomende tyd met 26-19 met die Haaie afgereken.“Dit is ’n span wat wíl wen. As ek dink aan die impak wat die plaasvervangers gemaak het en dit is wat jy van ’n span wil hê op die pad vorentoe.“Dan is daar Duane (Vermeulen, die Bulle-kaptein) wat 100 minute gespeel het vir ’n ou vir wie die tyd al aanbeweeg het. Sy kalmte en leierskap het ons deurgedra.”White sê dit is veral die jong Bulle in die agttal wat ’n waardevolle eindstryd-ervaring gehad het.“Hier is baie jong outjies met wie ons nou ’n groot pak kan bou, Ruan (Nortjé), Mornay (Smith), Grobbies (Johan Grobbelaar), Schalk (Erasmus) en Elrigh (Louw).“Daardie juniors is nou deur die proses en dit sal vir hulle van groot waarde wees in die toekoms.”Afgesien van ’n tweede beker in net meer as twee maande (die Bulle het in November ook die plaaslike Superreeks gewen), is White verheug dat elke speler in die groep ’n bydrae kon lewer.“Almal in ons groep van 42 spelers het iewers speelkans gekry en dit is vir my spesiaal.“Dit was ’n groot spanpoging en ek is bly dat almal in die kleedkamer voel hulle het gehelp om die beker te wen.”White het ook hulde gebring aan die 32-jarige Cornal Hendricks, een van die Bulle se onbesonge helde.Om Hendricks van vleuel, waar hy 12 toetse vir die Springbokke gespeel het, na binnesenter te skuif, was vroeër die seisoen ’n verrassende wending by Loftus Versfeld.Hy het die kompetisie uiteindelik afgesluit as die voorste binnesenter in die land.“Cornal is fenomenaal en was waarskynlik ons beste speler. Ek het met Chris Rossouw (die Bulle se agterlyn-afrigter) gesels en ons het besluit om hom senter toe te skuif.“Ek dink hy het ’n wonderlike bewustheid van ruimte en het die gawe om die ouens rondom hom te organiseer.“Die jong ouens in die agterlyn, soos David Kriel, Kurt-Lee Arendse en Stravino Jacobs, leer baie by hom.“Cornal is baie beroepsgerig, toegewyd en is ’n goeie kommunikeerder.”Nou wag die Bulle om te hoor wanneer hulle – as Suid-Afrika se nuwe topspan – in die Pro16-reeks teen spanne soos Leinster en Ulster gaan meeding.“Ons wag vir SA Rugby oor die besluite wat geneem moet word.“Daar sal seker binnekort ’n aanduiding wees oor wanneer die volgende kompetisie begin.“Dit is nou belangrik dat die spelers die volgende twee, drie weke ’n aftyd kry.“Nie omdat hulle te veel rugby gespeel het nie, maar wanneer ons weer begin, is die kans daar dat ons die volgende tien maande aaneen sal speel.” – Netwerk24

Bulle ’n span wat wíl wen – Jake

Kommentaar

Republikein 2025-04-09

Meld asseblief aan om kommentaar te lewer

Bulle ’n span wat wíl wen – Jake

Kommentaar

Republikein 2025-04-09

Meld asseblief aan om kommentaar te lewer

MELD AAN

Advertensie