Burger gaan 400 km vir Ruan trap
Fietsry
Tielman van Lill - Jean-Paul Burger gaan Vrydagoggend vanaf 04:00 in Stellenbosch, Suid-Afrika, alleen 400 kilometer binnenshuis op sy fiets aflê om geld vir die Ruan van Staden-trust (RVS-Young@Heart) in te samel.
Burger en wyle Ruan was groot vriende en het aan die begin van die jaar beplan om die 2019 Nedbank Desert Dash-bergfietsmarathon oor 370 km vanaf Windhoek na Swakopmund as ‘n tweemanspan te pak. Maar met die ontydige dood van die 23-jarige Ruan op 25 Maart verlede jaar, het die idee nooit gerealiseer nie.
Burger sê hy het met Ruan se ouers gesels en besluit om sy deel tot die trust by te dra.
“Aan die begin van 2019 het ‘n baie goeie vriend van my ‘n droom gehad. Ons wou Desembermaand die Desert Dash as ‘n tweemanspan aandurf en gehoop om dit te wen. Ongelukkig neem die lewe soms ontnugterende en wye draaie met ons.
“Ruan is tragies en hopeloos te vroeg op die jeugdige ouderdom van 23 jaar in sy slaap oorlede nadat hy ‘n hartaanval weens ongediagnoseerde hipertrofiese kardiomyopatie gehad het.
“Vrydagoggend gaan ek ons droom alleen aanpak en 400 km op my oefenfiets aflê. Die Desert Dash is 370 km lank en beide van ons sou individueel 240 km tydens die Dash gery het.
“Met die virtuele Zwift-program gaan ek poog om ook die 1 800 meter vertikale klimgedeeltes van die Dash na te boots. Ek hoop om teen gemiddeld 30 kilometer per uur te ry, maar of ek daarin gaan slaag is ‘n raaiskoot.
“Ek skat dit gaan my tussen 14 en 17 ure neem om die 400 km te voltooi. Ek begin Vrydag om 04:00 en as alles volgens plan verloop, kan ek die aand 20:00 van my fiets afklim. Die idee is om slegs met tussenposes vir tien minute te stop om die badkamer te besoek, dus sal die rit ononderbroke wees.
“Enige persoon wat wil, kan vir ondersteuning saam met my via Zwift ry. Of die mense net 30 km of 100 km ry, elke bietjie sal help.
Ek wil baie graag mense bewus maak en fondse vir die RVS-trust insamel, want dié saak lê my baie na aan die hart.
“Al die geld wat ek insamel sal na die RVS-Young@Heart-trust gaan. Dié geld sal gebruik word om meer fietsrysokkies te vervaardig wat deur die trust versprei word om hul boodskap uit te dra.
“Die sokkies word aan mense gegee wat aktief aan fietsry deelneem of drawwers is. Ek vra individue en korporatiewe maatskappye om asseblief ‘n bydrae te maak. Elke sent tel. Kom ons doen dit ter ere en nagedagtenis van ons goeie vriend Ruan.
“Dit gaan ‘n taai en emosionele rit vir my wees. Die verste wat ek nog gery het was 250 km, dus gaan die ekstra 150 km nie net fisiek nie, maar ook geestelik ‘n uitdaging vir my wees.
“Mense wat Zwift het kan net na search gaan en JP Burger intik en saamry,” het Burger entoesiasties aan Republikein gesê.
- [email protected]
Burger en wyle Ruan was groot vriende en het aan die begin van die jaar beplan om die 2019 Nedbank Desert Dash-bergfietsmarathon oor 370 km vanaf Windhoek na Swakopmund as ‘n tweemanspan te pak. Maar met die ontydige dood van die 23-jarige Ruan op 25 Maart verlede jaar, het die idee nooit gerealiseer nie.
Burger sê hy het met Ruan se ouers gesels en besluit om sy deel tot die trust by te dra.
“Aan die begin van 2019 het ‘n baie goeie vriend van my ‘n droom gehad. Ons wou Desembermaand die Desert Dash as ‘n tweemanspan aandurf en gehoop om dit te wen. Ongelukkig neem die lewe soms ontnugterende en wye draaie met ons.
“Ruan is tragies en hopeloos te vroeg op die jeugdige ouderdom van 23 jaar in sy slaap oorlede nadat hy ‘n hartaanval weens ongediagnoseerde hipertrofiese kardiomyopatie gehad het.
“Vrydagoggend gaan ek ons droom alleen aanpak en 400 km op my oefenfiets aflê. Die Desert Dash is 370 km lank en beide van ons sou individueel 240 km tydens die Dash gery het.
“Met die virtuele Zwift-program gaan ek poog om ook die 1 800 meter vertikale klimgedeeltes van die Dash na te boots. Ek hoop om teen gemiddeld 30 kilometer per uur te ry, maar of ek daarin gaan slaag is ‘n raaiskoot.
“Ek skat dit gaan my tussen 14 en 17 ure neem om die 400 km te voltooi. Ek begin Vrydag om 04:00 en as alles volgens plan verloop, kan ek die aand 20:00 van my fiets afklim. Die idee is om slegs met tussenposes vir tien minute te stop om die badkamer te besoek, dus sal die rit ononderbroke wees.
“Enige persoon wat wil, kan vir ondersteuning saam met my via Zwift ry. Of die mense net 30 km of 100 km ry, elke bietjie sal help.
Ek wil baie graag mense bewus maak en fondse vir die RVS-trust insamel, want dié saak lê my baie na aan die hart.
“Al die geld wat ek insamel sal na die RVS-Young@Heart-trust gaan. Dié geld sal gebruik word om meer fietsrysokkies te vervaardig wat deur die trust versprei word om hul boodskap uit te dra.
“Die sokkies word aan mense gegee wat aktief aan fietsry deelneem of drawwers is. Ek vra individue en korporatiewe maatskappye om asseblief ‘n bydrae te maak. Elke sent tel. Kom ons doen dit ter ere en nagedagtenis van ons goeie vriend Ruan.
“Dit gaan ‘n taai en emosionele rit vir my wees. Die verste wat ek nog gery het was 250 km, dus gaan die ekstra 150 km nie net fisiek nie, maar ook geestelik ‘n uitdaging vir my wees.
“Mense wat Zwift het kan net na search gaan en JP Burger intik en saamry,” het Burger entoesiasties aan Republikein gesê.
- [email protected]
Kommentaar
Republikein
Geen kommentaar is op hierdie artikel gelaat nie