Burgerskapwetsontwerp onttrek
Estelle de Bruyn - Die omstrede wysigingswetsontwerp op burgerskap is teruggetrek.
Die minister van binnelandse sake en immigrasie, me. Pendukeni Iivula-Ithana, het gister in die Nasionale Vergadering (NV) op Artikel 75 (5) (a) en (b) van die Grondwet asook op ‘n vroeëre kabinetsbesluit gewys toe die wysigingswetsontwerp in die komiteestadium voor die NV gedien het.
Dit volg nadat die Nasionale Raad (NR) vroeër die wysigingswetsontwerp verwerp het.
Die kabinetsbesluit het aangedui dat voortgegaan word om die wetsontwerp te oorweeg en dat wyd geraadpleeg sal word in die soeke na langtermynoplossings.
Iivula-Iitana sê terwyl sy saamstem met die kabinet se opdrag, neem sy aanstoot oor die verklarende nota met die redes waarom die raad die beginsel van die wetsontwerp verwerp het.
“Die poging van die NR om Artikel 81 van die Grondwet te vertolk, is misplaas. Ek sou hulle aanraai om, indien hulle enige grondwetlike bepaling wil vertolk, hulle eerder toepaslike instellings daarvoor moet nader,” het sy gesê.
Sy het die NV versoek om die kabinet se opdrag in die verband te aanvaar. Dit was op hierdie tydstip nie duidelik of die wetsontwerp inderdaad teruggetrek word nie.
Die DTA se mnr. Vipuakuje Muharukua het op sy beurt gesê hy stem met die Nasionale Raad se vertolking van Artikel 81 saam.
Hierop het die minister van finansies, mnr. Calle Schlettwein, daarop gewys dat geen debat oor die inhoud van die wetsontwerp op hierdie tydstip toegelaat kan word nie, en dat bloot oor die aanbeveling van die NR gestem moet word.
Die eerste minister, me. Saara Kuugongelwa-Amadhila, het tussenbeide probeer tree en daarop gewys dat die kabinet wil hê die wetsontwerp moet later, na verdere raadpleging, teruggebring word na die Huis.
Muharukua het gesê hierdie is ‘n klassieke geval waar die wetgewende gesag sy spiere bult en dat hy kan verstaan waarom die kabinet nie wil hê die wetsontwerp moet nou bespreek word nie.
Mnr. Usutuaije Maamberua van Swanu wou op ‘n ordepunt weet wat die Nasionale Raad gesê het en of die kabinet wil hê dat die wetsontwerp terugetrek word of nie.
Die prokureur-generaal, mnr. Sakeus Shanghala, wou ook leiding hê of die wetsontwerp weer bespreek word en of dit onttrek word.
Iivula-Ithana het hierop uiteindelik gesê die kabinet wil eers verder raadpleeg en gevolglik moet die wetsontwerp teruggetrek word.
Muharukua was in ‘n veglustige bui en wou voortgaan om oor die wetsontwerp te debatteer, maar die voorsitter van die hele huiskomitee, mnr. Julius Hambyuka, het voet by stuk gehou en geen verdere bespreking toegelaat nie. Die wetsontwerp is gevolglik teruggetrek.
Die minister van binnelandse sake en immigrasie, me. Pendukeni Iivula-Ithana, het gister in die Nasionale Vergadering (NV) op Artikel 75 (5) (a) en (b) van die Grondwet asook op ‘n vroeëre kabinetsbesluit gewys toe die wysigingswetsontwerp in die komiteestadium voor die NV gedien het.
Dit volg nadat die Nasionale Raad (NR) vroeër die wysigingswetsontwerp verwerp het.
Die kabinetsbesluit het aangedui dat voortgegaan word om die wetsontwerp te oorweeg en dat wyd geraadpleeg sal word in die soeke na langtermynoplossings.
Iivula-Iitana sê terwyl sy saamstem met die kabinet se opdrag, neem sy aanstoot oor die verklarende nota met die redes waarom die raad die beginsel van die wetsontwerp verwerp het.
“Die poging van die NR om Artikel 81 van die Grondwet te vertolk, is misplaas. Ek sou hulle aanraai om, indien hulle enige grondwetlike bepaling wil vertolk, hulle eerder toepaslike instellings daarvoor moet nader,” het sy gesê.
Sy het die NV versoek om die kabinet se opdrag in die verband te aanvaar. Dit was op hierdie tydstip nie duidelik of die wetsontwerp inderdaad teruggetrek word nie.
Die DTA se mnr. Vipuakuje Muharukua het op sy beurt gesê hy stem met die Nasionale Raad se vertolking van Artikel 81 saam.
Hierop het die minister van finansies, mnr. Calle Schlettwein, daarop gewys dat geen debat oor die inhoud van die wetsontwerp op hierdie tydstip toegelaat kan word nie, en dat bloot oor die aanbeveling van die NR gestem moet word.
Die eerste minister, me. Saara Kuugongelwa-Amadhila, het tussenbeide probeer tree en daarop gewys dat die kabinet wil hê die wetsontwerp moet later, na verdere raadpleging, teruggebring word na die Huis.
Muharukua het gesê hierdie is ‘n klassieke geval waar die wetgewende gesag sy spiere bult en dat hy kan verstaan waarom die kabinet nie wil hê die wetsontwerp moet nou bespreek word nie.
Mnr. Usutuaije Maamberua van Swanu wou op ‘n ordepunt weet wat die Nasionale Raad gesê het en of die kabinet wil hê dat die wetsontwerp terugetrek word of nie.
Die prokureur-generaal, mnr. Sakeus Shanghala, wou ook leiding hê of die wetsontwerp weer bespreek word en of dit onttrek word.
Iivula-Ithana het hierop uiteindelik gesê die kabinet wil eers verder raadpleeg en gevolglik moet die wetsontwerp teruggetrek word.
Muharukua was in ‘n veglustige bui en wou voortgaan om oor die wetsontwerp te debatteer, maar die voorsitter van die hele huiskomitee, mnr. Julius Hambyuka, het voet by stuk gehou en geen verdere bespreking toegelaat nie. Die wetsontwerp is gevolglik teruggetrek.
Kommentaar
Republikein
Geen kommentaar is op hierdie artikel gelaat nie