Byna 20 000 nuwe gevalle die afgelope maand

Die minister van gesondheid en maatskaplike dienste, dr. Kalumbi Shangula, sê 19 846 nuwe Covid-19-gevalle is die afgelope maand in die land aangeteken. Hiervan was 1 876 herinfeksies. Volgens hom het 140 973 mense herstel, 'n herstelkoers van 92%. Die afgelope maand het die siekte 183 lewens geëis. Die hoogtepunt van die vierde golf was op 19 Desember toe 1 334 nuwe gevalle binne 24 uur aangeteken is. Sedert 26 Desember het die aantal gevalle afgeneem tot 'n gemiddeld van 450 gevalle per dag.