Canjulo en Burger wen goud in RSA
Swem
Twaalf Namibiese swemmers het blink presteer ná afloop van hul kwalifisering vir die Suid-Afrikaanse nasionale junior swemkampioenskap oor vyf dae wat verlede maand by die Kingspark swembad in Durban, Kwa-Zulu-Natal afgehandel is.
Met meer as 750 van Suid-Afrika se topswemmers daar, het die klein Namibiese spannetjie uitstekend gevaar deurdat elkeen van die twaalf spanlede minstens een keer die finaal van hul items gehaal het.
Die Namibiese Amateur Swemunie (Nasu) se span het uiteindelik tiende geëindig op die lys van 126 klubs van Suid-Afrika, asook sy buurlande Angola, Mosambiek, Zimbabwe en Botswana wat meegeding het.
Die Namibiese swemspan wat deur afrigter Janis Stergiadis vergesel is, was Vicky Botha, Viktoria Ellmies, Tiana Esslinger, Joanne Liebenberg en Heleni Stergiadis (meisies) asook Mikah Burger, José Canjulo, Christopher de Jager, Quinn Ellis, Corné le Roux, Martin Oosthuizen en Ronan Wantenaar.
Namibië se medaljewenners was:
José Canjulo (13 jaar): goud in 50 vryslag (25.73), goud in 400 vryslag (4.19.73), goud in 200 rugslag (2.14.74), goud in 100 vlinderslag (1.00.85); silwer in 100 rugslag (1:03:18), silwer in 50 borsslag (31.78), silwer in 400 individuele wisselslag (4:54:35), silwer in 50 vlinderslag (27:73), silwer in 200 individuele wisselslag (2.14.67).
Mikah Burger (14 jaar): goud in 100 vlinderslag (1:00:11); silwer in 200 vlinderslag (2:17:01), silwer in 50 rugslag (28:82), silwer in 200 individuele wisselslag (2.16.72); brons in 100 rugslag (1:03:12), brons in 50 vlinderslag (27:77). Hy was ook vierde in sy 400 individuele wisselslag (4.59.95).
Ronan Wantenaar (18 jaar): brons in 50 borsslag (29.52), brons in 100 borslag (1.05.23), brons in 200 individuele wisselslag (2.08.04).
Al drie hierdie tye van Wantenaar is sowel 'n nasionale ouderdomsrekord vir seuns 17-18 jaar as 'n Namibiese ope mansrekord.
Die 16-jarige Martin Oosthuizen se tyd in die 400 individuele wisselslag (4.55.26) het ook 'n nasionale rekord oortref wat vir jare bly staan het.
Namibië se voorste vroueswemmer, Heleni Stergiadis, het in elkeen van haar items tot die eindronde deurgedring en het naelskraap die bronsmedaljes in haar 200 individuele wisselslag en 100 vlinderslag misgeloop. Heleni het reeds vir die FINA junior wêreldkampioenskap in Boedapest in September vanjaar gekwalifiseer.
Die 12-jarige Quinn Ellis, wat vir die eerste keer vir die SA junior kampioenskap gekwalifiseer het, het sewe finale gehaal en het net-net 'n brons in die 50 vryslag met 'n persoonlike beste van 28.27 misgeloop.
Corné le Roux (16) het 'n kwalifikasie vir die FINA junior wêreldkampioenskap met sy 200 vryslag-tyd van 2.00.83 behaal. Nog 'n FINA-kwalifiseerder was Tiana Esslinger met haar persoonlike beste tyd van 2:25.93 in die 200 rugslag.
• Plaaslike swemmers sien uit na die laaste gala van die langbadseisoen (byeenkoms nommer 5) en die Aqua-pentathlon wat komende Vrydag en Saterdag by die Olympia-swembad voorlê.
Met meer as 750 van Suid-Afrika se topswemmers daar, het die klein Namibiese spannetjie uitstekend gevaar deurdat elkeen van die twaalf spanlede minstens een keer die finaal van hul items gehaal het.
Die Namibiese Amateur Swemunie (Nasu) se span het uiteindelik tiende geëindig op die lys van 126 klubs van Suid-Afrika, asook sy buurlande Angola, Mosambiek, Zimbabwe en Botswana wat meegeding het.
Die Namibiese swemspan wat deur afrigter Janis Stergiadis vergesel is, was Vicky Botha, Viktoria Ellmies, Tiana Esslinger, Joanne Liebenberg en Heleni Stergiadis (meisies) asook Mikah Burger, José Canjulo, Christopher de Jager, Quinn Ellis, Corné le Roux, Martin Oosthuizen en Ronan Wantenaar.
Namibië se medaljewenners was:
José Canjulo (13 jaar): goud in 50 vryslag (25.73), goud in 400 vryslag (4.19.73), goud in 200 rugslag (2.14.74), goud in 100 vlinderslag (1.00.85); silwer in 100 rugslag (1:03:18), silwer in 50 borsslag (31.78), silwer in 400 individuele wisselslag (4:54:35), silwer in 50 vlinderslag (27:73), silwer in 200 individuele wisselslag (2.14.67).
Mikah Burger (14 jaar): goud in 100 vlinderslag (1:00:11); silwer in 200 vlinderslag (2:17:01), silwer in 50 rugslag (28:82), silwer in 200 individuele wisselslag (2.16.72); brons in 100 rugslag (1:03:12), brons in 50 vlinderslag (27:77). Hy was ook vierde in sy 400 individuele wisselslag (4.59.95).
Ronan Wantenaar (18 jaar): brons in 50 borsslag (29.52), brons in 100 borslag (1.05.23), brons in 200 individuele wisselslag (2.08.04).
Al drie hierdie tye van Wantenaar is sowel 'n nasionale ouderdomsrekord vir seuns 17-18 jaar as 'n Namibiese ope mansrekord.
Die 16-jarige Martin Oosthuizen se tyd in die 400 individuele wisselslag (4.55.26) het ook 'n nasionale rekord oortref wat vir jare bly staan het.
Namibië se voorste vroueswemmer, Heleni Stergiadis, het in elkeen van haar items tot die eindronde deurgedring en het naelskraap die bronsmedaljes in haar 200 individuele wisselslag en 100 vlinderslag misgeloop. Heleni het reeds vir die FINA junior wêreldkampioenskap in Boedapest in September vanjaar gekwalifiseer.
Die 12-jarige Quinn Ellis, wat vir die eerste keer vir die SA junior kampioenskap gekwalifiseer het, het sewe finale gehaal en het net-net 'n brons in die 50 vryslag met 'n persoonlike beste van 28.27 misgeloop.
Corné le Roux (16) het 'n kwalifikasie vir die FINA junior wêreldkampioenskap met sy 200 vryslag-tyd van 2.00.83 behaal. Nog 'n FINA-kwalifiseerder was Tiana Esslinger met haar persoonlike beste tyd van 2:25.93 in die 200 rugslag.
• Plaaslike swemmers sien uit na die laaste gala van die langbadseisoen (byeenkoms nommer 5) en die Aqua-pentathlon wat komende Vrydag en Saterdag by die Olympia-swembad voorlê.
Kommentaar
Republikein
Geen kommentaar is op hierdie artikel gelaat nie