Chameleon en Deysel in Namibië

Namibiërs moenie vergeet van ons eie Daniella Deysel en haar verloofde, Chris Chameleon, wat vandeesweek (van 10 tot 20 Oktober) met hul multimedia- musikale projek Kat en Wolf in Namibië kom kuier nie. Tydens hul besoek sal hulle ook in Republikein se Facebook-ateljee kom kuier, en onder meer op Mariental, Tsumeb, Outjo, Otjiwarongo, Hentiesbaai, Keetmanshoop en Swakopmund vertonings lewer. Kaartjies is by die deur, of by EventsToday beskikbaar. Skakel 081 321 8708 vir meer inligting. Chameleon en Deysel het tydens ‘n onderhoud verlede maand aan Republikein gesê hierdie sal hul “laaste toer as ongetroudes” wees, voor hulle die knoop volgende maand op Chris se plaas naby Verkykerskop in die Oos-Vrystaat gaan deurhak.