Chelsi wél op pad na Mej. Heelal
Chelsi Shikongo, Mej. Namibië, is gereed om einde vandeesmaand na Israel te vertrek om aan die Mej. Heelal-kompetisie deel te neem.
Iréne-Mari van der Walt
Die Mej. Namibië-organisasie het aangekondig Chelsi Shikongo, die huidige Mej. Namibië, het genoeg geld ingesamel om aan die Mej. Heelal-kompetisie deel te neem.
Die eerste prinses, Annerie Maré, moet nog N$70 000 insamel om haar plek op die Mej. Wêreld-verhoog vol te staan.
Me. Umbi Karuaihe-Upi, 'n direkteur van die Mej. Namibië-skoonheidskompetisie, vertel Maré moet die geld teen die middel van November insamel om haar in staat te stel om vir 'n maand in Puerto Rico aan die Mej. Wêreld-kompetisie deel te neem.
Die groen lig vir Chelsi se deelname in Israel kom enkele dae ná die sakekamer in Swakopmund 'n gala-aand en kunsveiling gehou het om geld in te samel.
Die kunstenaar Lynette van Niekerk het 'n portret van Shikongo geskilder wat Erongo Marine tydens die veiling vir N$75 000 gekoop het.
Die munisipaliteit van Swakopmund het ook N$10 000 aan Shikongo beloof en dit stoot die totaal van die geldinsameling tot N$85 000.
Me. Conny Maritz, ook 'n direkteur van Mej. Namibië, sê hierdie pogings is ontydig.
“Dit is nou laat in die jaar om borge te soek, maar ons moet probeer,” sê sy.
Maritz is steeds in haar skik met die skoonhede wat Namibië gaan verteenwoordig.
“Ons is opgewonde om twee sulke sterk kandidate te hê. Die twee kompetisies en die twee meisies is so verskillend. Mej. Wêreld fokus meer op liefdadigheid, terwyl Mej. Heelal meer op eksotiese skoonheid konsentreer, maar ek dink al twee meisies is gelukkig waar hulle is,” sê Maritz.
Die Mej. Namibië-organisasie het aangekondig Chelsi Shikongo, die huidige Mej. Namibië, het genoeg geld ingesamel om aan die Mej. Heelal-kompetisie deel te neem.
Die eerste prinses, Annerie Maré, moet nog N$70 000 insamel om haar plek op die Mej. Wêreld-verhoog vol te staan.
Me. Umbi Karuaihe-Upi, 'n direkteur van die Mej. Namibië-skoonheidskompetisie, vertel Maré moet die geld teen die middel van November insamel om haar in staat te stel om vir 'n maand in Puerto Rico aan die Mej. Wêreld-kompetisie deel te neem.
Die groen lig vir Chelsi se deelname in Israel kom enkele dae ná die sakekamer in Swakopmund 'n gala-aand en kunsveiling gehou het om geld in te samel.
Die kunstenaar Lynette van Niekerk het 'n portret van Shikongo geskilder wat Erongo Marine tydens die veiling vir N$75 000 gekoop het.
Die munisipaliteit van Swakopmund het ook N$10 000 aan Shikongo beloof en dit stoot die totaal van die geldinsameling tot N$85 000.
Me. Conny Maritz, ook 'n direkteur van Mej. Namibië, sê hierdie pogings is ontydig.
“Dit is nou laat in die jaar om borge te soek, maar ons moet probeer,” sê sy.
Maritz is steeds in haar skik met die skoonhede wat Namibië gaan verteenwoordig.
“Ons is opgewonde om twee sulke sterk kandidate te hê. Die twee kompetisies en die twee meisies is so verskillend. Mej. Wêreld fokus meer op liefdadigheid, terwyl Mej. Heelal meer op eksotiese skoonheid konsentreer, maar ek dink al twee meisies is gelukkig waar hulle is,” sê Maritz.
Kommentaar
Republikein
Geen kommentaar is op hierdie artikel gelaat nie