'China dwing hom nie op Namibië af'
Die staatsbesoek aan die supermoondheid word deur die regering as 'n reusesukses beskryf.
Francoise Steynberg - Die Chinese president, mnr. Xi Jinping, het dit baie duidelik tydens die Namibiese staatsbesoek aan sy land gestel dat hy nie China op Namibië gaan afdwing nie.
Só het die minister van finansies, mnr. Calle Schlettwein, Donderdag tydens 'n mediakonferensie in Windhoek oor pres. Hage Geingob en sy groot afvaardiging se pasafgelope besoek aan China gesê.
"As Namibië lenings met China aangaan, maak ons seker dit is tot voordeel van albei lande," het Schlettwein gesê.
Die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, het gesê die twee staatshoofde het besluit om die bilaterale samewerkingsraamwerk tussen die twee lande te verhef tot 'n omvattende strategiese samewerkende vennootskap wat gebaseer sal wees op gelykheid, wedersydse respek, wedersydse voordele en gemeenskaplike ontwikkeling tussen die twee lande.
"Tydens die amptelike gesprekke het die twee staatshoofde die behoefte beklemtoon om betrekkinge in verskeie sektore groter hoogtes te laat bereik. Dié sektore sluit onder meer in landbou, visserye, onderwys en opleiding, wetenskap en tegnologie, toerisme en infrastruktuurontwikkeling soos spoorweë, hawens, lughawens en paaie," het Nandi-Ndaitwah gesê.
Sy sê Geingob het Xi oor Namibië se strategiese plan ingelig om Namibië te posisioneer om die logistieke kern in die Sadc(Suider-Afrikaanse Ontwikkelingsgemeenskap)-streek en Afrika te word.
"In hierdie verband het die Chinese president sy steun aan Namibië bevestig en verbeterde wedersyds voordelige en finansiële samewerking tussen die twee lande is bespreek. Aan die een kant is Namibië se behoefte erken om as 'n uitvoerekonomie te diversifiseer en te groei, terwyl China as die tweede grootste wêreldekonomie 'n beduidende mark vir klaargemaakte produkte en kommoditeite kan verskaf, maar ook vaardighede, tegnologie en kapitaal kan voorsien."
LUGHAWE
Wat infrastruktuur betref, het die minister van werke en vervoer, mnr. John Mutorwa, bygevoeg China wag gretig op die ontwerpplanne van die ontwikkeling of opgradering van die Internasionale Lughawe Hosea Kutako.
"China stel belang, maar wag vir die ontwerpplanne van die lughawe en sal op grond daarvan sy besluit maak," het hy gesê.
Hy het gesê hoewel die lughaweprojek vir eers uitgestel is, gaan die konstruksie van die eerste fase van die dubbelpad tussen Windhoek en die lughawe voort wat deur die Namibiese regering gefinansier is.
Nandi-Ndaitwah sê Namibië kan by die verdieping van finansiële samewerking baat wat gerig is op industrialisasie en verbeterde produksievermoë, ekonomiese diversifisering, infrastruktuurontwikkeling in beide die produktiewe en maatskaplike sektore, landbou, en die oordrag van vaardighede en tegnologie.
Sy sê China kan op sy beurt Namibië se strategiese geografiese ligging en marktoegang tot die Suider-Afrikaanse Doeane-unie (Sacu), die Sadc en Afrika gebruik.
Voorts is besluit om noue kommunikasie oor kwessies soos klimaatsverandering, teenterrorisme en georganiseerde oorgrensmisdaad te handhaaf.
BEESVLEIS NA CHINA
Nandi-Ndaitwah het gesê verskeie bilaterale ooreenkomste is onderteken. Onder die protokol wat die minister van landbou, water en bosbou onderteken is, kan Namibiese beesvleis nou die Chinese mark betree.
"Namibië is die eerste Afrikaland wat beesvleis na China kan uitvoer en dit sal vereis dat Namibiese boere meer beesvleis moet produseer met een provinsie in China wat tussen 20 en 80 miljoen mense het," het sy gesê.
Die minister van landbou, water en bosbou, mnr. Alpheus !Naruseb, het gesê knopvelsiekte het dié ooreenkoms vertraag, "maar dit is my wens dat Namibiese beesvleis in die reuse- Chinese mark van 1,4 miljard mense sal wees teen September tydens die Forum oor die China-Afika-beraad (Focac)" wat Geingob sal bywoon.
'n Samewerkingsooreenkoms is tussen die Export-Import Bank van China en Schlettwein onderteken wat toelaes en lenings of gemengde leningsinstrumente, en openbare en private beleggings behels, asook samewerking op die gebied van belasting- en doeane-administrasie. Die ooreenkomste vir toelaes en lenings sal vir spesifieke projekte wees en sal dienooreenkomstig onderhandel word vir 'n wen-wen-impak.
"Vir nou is geen leningsooreenkoms onderteken nie," het Nandi-Ndaitwah beklemtoon.
Namibië het ook nou 'n langer tydperk om 'n rentevrye behuisingslening van China te gebruik en terug te betaal.
Nog een is die uitbreiding van 'n bestaande ooreenkoms oor die vestiging en operasie van ’n Chinese ruimtestasie in Namibië waarvan een deel die konstruksie van 'n satellietdata-ontvangsstasie is waar Namibiërs opleiding in ruimtewetenskap sal kry.
’n Ooreenkoms oor ekonomiese en tegniese samewerking vir 'n toelae van RMB300 miljoen (sowat N$566,4 miljoen teen die huidige wisselkoers) is tussen die twee lande onderteken wat deel is van die konstruksie van die satellietdata-ontvangsstasie, vier skole en ander projekte.
Nandi-Ndaitwah het beklemtoon die 70 Namibiese sakelui wat China onder leiding van die Namibiese Kamer van Handel en Nywerheid (NCCI) se drie sakeforums - twee in Beijing en een in Shanghai - besoek het, het hul eie koste gedra.
Sy het die besoek as suksesvol beskou.
Só het die minister van finansies, mnr. Calle Schlettwein, Donderdag tydens 'n mediakonferensie in Windhoek oor pres. Hage Geingob en sy groot afvaardiging se pasafgelope besoek aan China gesê.
"As Namibië lenings met China aangaan, maak ons seker dit is tot voordeel van albei lande," het Schlettwein gesê.
Die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, het gesê die twee staatshoofde het besluit om die bilaterale samewerkingsraamwerk tussen die twee lande te verhef tot 'n omvattende strategiese samewerkende vennootskap wat gebaseer sal wees op gelykheid, wedersydse respek, wedersydse voordele en gemeenskaplike ontwikkeling tussen die twee lande.
"Tydens die amptelike gesprekke het die twee staatshoofde die behoefte beklemtoon om betrekkinge in verskeie sektore groter hoogtes te laat bereik. Dié sektore sluit onder meer in landbou, visserye, onderwys en opleiding, wetenskap en tegnologie, toerisme en infrastruktuurontwikkeling soos spoorweë, hawens, lughawens en paaie," het Nandi-Ndaitwah gesê.
Sy sê Geingob het Xi oor Namibië se strategiese plan ingelig om Namibië te posisioneer om die logistieke kern in die Sadc(Suider-Afrikaanse Ontwikkelingsgemeenskap)-streek en Afrika te word.
"In hierdie verband het die Chinese president sy steun aan Namibië bevestig en verbeterde wedersyds voordelige en finansiële samewerking tussen die twee lande is bespreek. Aan die een kant is Namibië se behoefte erken om as 'n uitvoerekonomie te diversifiseer en te groei, terwyl China as die tweede grootste wêreldekonomie 'n beduidende mark vir klaargemaakte produkte en kommoditeite kan verskaf, maar ook vaardighede, tegnologie en kapitaal kan voorsien."
LUGHAWE
Wat infrastruktuur betref, het die minister van werke en vervoer, mnr. John Mutorwa, bygevoeg China wag gretig op die ontwerpplanne van die ontwikkeling of opgradering van die Internasionale Lughawe Hosea Kutako.
"China stel belang, maar wag vir die ontwerpplanne van die lughawe en sal op grond daarvan sy besluit maak," het hy gesê.
Hy het gesê hoewel die lughaweprojek vir eers uitgestel is, gaan die konstruksie van die eerste fase van die dubbelpad tussen Windhoek en die lughawe voort wat deur die Namibiese regering gefinansier is.
Nandi-Ndaitwah sê Namibië kan by die verdieping van finansiële samewerking baat wat gerig is op industrialisasie en verbeterde produksievermoë, ekonomiese diversifisering, infrastruktuurontwikkeling in beide die produktiewe en maatskaplike sektore, landbou, en die oordrag van vaardighede en tegnologie.
Sy sê China kan op sy beurt Namibië se strategiese geografiese ligging en marktoegang tot die Suider-Afrikaanse Doeane-unie (Sacu), die Sadc en Afrika gebruik.
Voorts is besluit om noue kommunikasie oor kwessies soos klimaatsverandering, teenterrorisme en georganiseerde oorgrensmisdaad te handhaaf.
BEESVLEIS NA CHINA
Nandi-Ndaitwah het gesê verskeie bilaterale ooreenkomste is onderteken. Onder die protokol wat die minister van landbou, water en bosbou onderteken is, kan Namibiese beesvleis nou die Chinese mark betree.
"Namibië is die eerste Afrikaland wat beesvleis na China kan uitvoer en dit sal vereis dat Namibiese boere meer beesvleis moet produseer met een provinsie in China wat tussen 20 en 80 miljoen mense het," het sy gesê.
Die minister van landbou, water en bosbou, mnr. Alpheus !Naruseb, het gesê knopvelsiekte het dié ooreenkoms vertraag, "maar dit is my wens dat Namibiese beesvleis in die reuse- Chinese mark van 1,4 miljard mense sal wees teen September tydens die Forum oor die China-Afika-beraad (Focac)" wat Geingob sal bywoon.
'n Samewerkingsooreenkoms is tussen die Export-Import Bank van China en Schlettwein onderteken wat toelaes en lenings of gemengde leningsinstrumente, en openbare en private beleggings behels, asook samewerking op die gebied van belasting- en doeane-administrasie. Die ooreenkomste vir toelaes en lenings sal vir spesifieke projekte wees en sal dienooreenkomstig onderhandel word vir 'n wen-wen-impak.
"Vir nou is geen leningsooreenkoms onderteken nie," het Nandi-Ndaitwah beklemtoon.
Namibië het ook nou 'n langer tydperk om 'n rentevrye behuisingslening van China te gebruik en terug te betaal.
Nog een is die uitbreiding van 'n bestaande ooreenkoms oor die vestiging en operasie van ’n Chinese ruimtestasie in Namibië waarvan een deel die konstruksie van 'n satellietdata-ontvangsstasie is waar Namibiërs opleiding in ruimtewetenskap sal kry.
’n Ooreenkoms oor ekonomiese en tegniese samewerking vir 'n toelae van RMB300 miljoen (sowat N$566,4 miljoen teen die huidige wisselkoers) is tussen die twee lande onderteken wat deel is van die konstruksie van die satellietdata-ontvangsstasie, vier skole en ander projekte.
Nandi-Ndaitwah het beklemtoon die 70 Namibiese sakelui wat China onder leiding van die Namibiese Kamer van Handel en Nywerheid (NCCI) se drie sakeforums - twee in Beijing en een in Shanghai - besoek het, het hul eie koste gedra.
Sy het die besoek as suksesvol beskou.
Kommentaar
Republikein
Geen kommentaar is op hierdie artikel gelaat nie