Connor in Junior Aussie Ope
Tennis
Connor van Schalkwyk het gister in Melbourne aangekom en is “super-opgewonde” en oorgehaal om ’n goeie vertoning by die Australiese Junior Ope te lewer.
Die vasberade en talentvolle 17-jarige volg in die voetspore van landgenote soos Jurgens Strydom (nou 34) en wyle Suzelle Davin, die enigste ander Namibiërs wat jare gelede verskynings in Junior Grand Slam-toernooie gemaak het.
Die Namibiër is in afwagting vir vandag se loting wat die naam van sy opponent in die eerste ronde sal bepaal, wat môre begin.
Toe die Internasionale Tennisfederasie in die nuwe jaar sy junior wêreldranglys op datum gebring het en die name verwyder het van spelers wat vanjaar nie meer onder 18 sal wees nie, het Van Schalkwyk tot verreweg die hoogste posisie nóg opgeskiet – ’n heel indrukwekkende 37ste.
Sedert sy aankoms in Australië het hy ook verlede week in een opwarmtoernooi verskyn. Hy het in sy eersterondtewedstryd se eerste stel die voortou teen Louis Bowden (Brittanje) geneem, maar ’n keerpunt was toe sy skoensool losgeskeur het. Van Schalkwyk was sonder enige bystand gestrand in die situasie en is uiteindelik met 6-7, 1-6 uitgeskakel.
Die vasberade en talentvolle 17-jarige volg in die voetspore van landgenote soos Jurgens Strydom (nou 34) en wyle Suzelle Davin, die enigste ander Namibiërs wat jare gelede verskynings in Junior Grand Slam-toernooie gemaak het.
Die Namibiër is in afwagting vir vandag se loting wat die naam van sy opponent in die eerste ronde sal bepaal, wat môre begin.
Toe die Internasionale Tennisfederasie in die nuwe jaar sy junior wêreldranglys op datum gebring het en die name verwyder het van spelers wat vanjaar nie meer onder 18 sal wees nie, het Van Schalkwyk tot verreweg die hoogste posisie nóg opgeskiet – ’n heel indrukwekkende 37ste.
Sedert sy aankoms in Australië het hy ook verlede week in een opwarmtoernooi verskyn. Hy het in sy eersterondtewedstryd se eerste stel die voortou teen Louis Bowden (Brittanje) geneem, maar ’n keerpunt was toe sy skoensool losgeskeur het. Van Schalkwyk was sonder enige bystand gestrand in die situasie en is uiteindelik met 6-7, 1-6 uitgeskakel.
Kommentaar
Republikein
Geen kommentaar is op hierdie artikel gelaat nie