Connor opnuut in J4-kwarteind
Nadat hy laasweek tot in die semifinaal gevorder het, is hy opnuut die enigste oorblywende Namibiër.
Tielman van Lill
Die 16-jarige Connor van Schalkwyk sal vandag by die Sentraal-tennisklub in Olympia in die kwarteindronde van die Internasionale Tennisfederasie (ITF) se J4-toernooi vir juniors (onder 18) teen Alexander Edley van Suid-Afrika te staan kom.
Van Schalkwyk, die tweede gekeurde Namibiër, is by verlede week se ITF J5-toernooi hier in die semifinaal uitgeskakel en is vandeesweek opnuut op jag vir die groter hoeveelheid ITF-ranglyspunte wat tydens dié week se J4-toernooi op die spel staan.
In Maandag se openingsronde het hy met 6-3, 6-3 verby Batsomi Marobela van Botswana geseil. Gister bêre hy toe die ongekeurde Benjamin Scott (RSA) met 'n ewe gemaklike 6-3, 6-3. Scott het die vorige dag vir Yannick Maser van Duitsland geklop (6-4, 6-1).
Van die Namibiërs het Daniel Jauss Maandag in die eerste ronde met 6-1, 6-3 teen Alexander Watanabe Eriksson van Swede verloor en George Louw is in sy eerste ontmoeting deur Lyle Zaloumis van Zimbabwe met 6-3, 7-5 gestuit.
Jauss en Louw het egter as 'n ongekeurde dubbelspelpaar die vyfde gekeurde Suid-Afrikaners Mikaeel Woodman en Leo Matthysen se aanslag beëindig met 'n swaarverdiende sege van 6-4, 4-6, 10-7. In gister se kwarteindronde kon die Namibiërs nie by Adrian Luddeckens en Watanabe Eriksson (beide Swede) verbykom nie (4-6, 6-7).
Dinsdag het Dian Calitz nie antwoorde teen James Edley (sewende gekeur) van Suid-Afrika gehad nie en word met 6-1, 6-0 oordonder. Josh Manuel van Brittanje reken in twee skoon stelle met Sarel Janse van Rensburg van Namibië af.
In vandag se kwarteindronde kan die vonke spat wanneer die eerste gekeurde Mikaeel Woodman vanaf 09:00 sy Suid-Afrikaanse landgenoot James Edley (nr. 7) beproef, terwyl laasweek se kampioen Connor Kruger (nr. 4) en die ongekeurde Leo Matthysen ook in 'n uitklopstryd tussen Suid-Afrikaners betrokke is. Net een van Alexander Edley (RSA, nr. 5) of Namibië se Van Schalkwyk sal oorleef (begin 09:00), terwyl die ongekeurde Fillipo Martini (Italië) teen die derde gekeurde Anro Nel (RSA) te staan kom.
MEISIES
Namibië se Lisa Yssel het Dinsdag vir Lyndseigh Muller van Suid-Afrika met 6-4, 6-2 oorskadu om tot die tweede ronde te vorder. Charné Boshoff (RSA), wat gister vir Yssel in die tweede ronde met 6-3, 6-0 geklop het, het tevore die sewende gekeurde Eunice Mauchi (Zimbabwe) uitgeskakel om teen Yssel te speel.
In die eerste ronde is Raica Coelho (Namibië) met 6-1, 6-1 deur die agtste gekeurde Carle Botha van Suid-Afrika uitgeskakel, terwyl Elzé Stears (6-0, 6-0) haar teen Marilouise van Zyl van Suid-Afrika in twee skoon stelle vasgeloop het.
Die agt kwarteind-kwalifiseerders is Layla Shoukry (vierde gekeur, Egipte) teen Cayline le Grange (5, RSA); Leigh van Zyl (1, RSA) teen Carle Botha (8, RSA); Chandre Boshoff (RSA) teen Suzanie Pretorius (3, RSA); Tanyaradzwa Midzi (Zimbabwe) teen Sara Pantelic (België).
DUBBELSPEL
In die dubbelspel is Van Schalkwyk saam met Anro Nel (Suid-Afrika) opnuut die topgekeurde paar, nadat hulle ook verlede week se ITF J5-toernooi ingepalm het.
Gister het die twee in hul kwarteindstryd met Eldon Nokic en Alfons Ridstrom, beide van Swede, afgereken (6-3, 6-2). Hul volgende uitdaging vandag sal die vierde gekeurde SA paar Connor Kruger en Willem Roosenschoon wees.
– [email protected]
Die 16-jarige Connor van Schalkwyk sal vandag by die Sentraal-tennisklub in Olympia in die kwarteindronde van die Internasionale Tennisfederasie (ITF) se J4-toernooi vir juniors (onder 18) teen Alexander Edley van Suid-Afrika te staan kom.
Van Schalkwyk, die tweede gekeurde Namibiër, is by verlede week se ITF J5-toernooi hier in die semifinaal uitgeskakel en is vandeesweek opnuut op jag vir die groter hoeveelheid ITF-ranglyspunte wat tydens dié week se J4-toernooi op die spel staan.
In Maandag se openingsronde het hy met 6-3, 6-3 verby Batsomi Marobela van Botswana geseil. Gister bêre hy toe die ongekeurde Benjamin Scott (RSA) met 'n ewe gemaklike 6-3, 6-3. Scott het die vorige dag vir Yannick Maser van Duitsland geklop (6-4, 6-1).
Van die Namibiërs het Daniel Jauss Maandag in die eerste ronde met 6-1, 6-3 teen Alexander Watanabe Eriksson van Swede verloor en George Louw is in sy eerste ontmoeting deur Lyle Zaloumis van Zimbabwe met 6-3, 7-5 gestuit.
Jauss en Louw het egter as 'n ongekeurde dubbelspelpaar die vyfde gekeurde Suid-Afrikaners Mikaeel Woodman en Leo Matthysen se aanslag beëindig met 'n swaarverdiende sege van 6-4, 4-6, 10-7. In gister se kwarteindronde kon die Namibiërs nie by Adrian Luddeckens en Watanabe Eriksson (beide Swede) verbykom nie (4-6, 6-7).
Dinsdag het Dian Calitz nie antwoorde teen James Edley (sewende gekeur) van Suid-Afrika gehad nie en word met 6-1, 6-0 oordonder. Josh Manuel van Brittanje reken in twee skoon stelle met Sarel Janse van Rensburg van Namibië af.
In vandag se kwarteindronde kan die vonke spat wanneer die eerste gekeurde Mikaeel Woodman vanaf 09:00 sy Suid-Afrikaanse landgenoot James Edley (nr. 7) beproef, terwyl laasweek se kampioen Connor Kruger (nr. 4) en die ongekeurde Leo Matthysen ook in 'n uitklopstryd tussen Suid-Afrikaners betrokke is. Net een van Alexander Edley (RSA, nr. 5) of Namibië se Van Schalkwyk sal oorleef (begin 09:00), terwyl die ongekeurde Fillipo Martini (Italië) teen die derde gekeurde Anro Nel (RSA) te staan kom.
MEISIES
Namibië se Lisa Yssel het Dinsdag vir Lyndseigh Muller van Suid-Afrika met 6-4, 6-2 oorskadu om tot die tweede ronde te vorder. Charné Boshoff (RSA), wat gister vir Yssel in die tweede ronde met 6-3, 6-0 geklop het, het tevore die sewende gekeurde Eunice Mauchi (Zimbabwe) uitgeskakel om teen Yssel te speel.
In die eerste ronde is Raica Coelho (Namibië) met 6-1, 6-1 deur die agtste gekeurde Carle Botha van Suid-Afrika uitgeskakel, terwyl Elzé Stears (6-0, 6-0) haar teen Marilouise van Zyl van Suid-Afrika in twee skoon stelle vasgeloop het.
Die agt kwarteind-kwalifiseerders is Layla Shoukry (vierde gekeur, Egipte) teen Cayline le Grange (5, RSA); Leigh van Zyl (1, RSA) teen Carle Botha (8, RSA); Chandre Boshoff (RSA) teen Suzanie Pretorius (3, RSA); Tanyaradzwa Midzi (Zimbabwe) teen Sara Pantelic (België).
DUBBELSPEL
In die dubbelspel is Van Schalkwyk saam met Anro Nel (Suid-Afrika) opnuut die topgekeurde paar, nadat hulle ook verlede week se ITF J5-toernooi ingepalm het.
Gister het die twee in hul kwarteindstryd met Eldon Nokic en Alfons Ridstrom, beide van Swede, afgereken (6-3, 6-2). Hul volgende uitdaging vandag sal die vierde gekeurde SA paar Connor Kruger en Willem Roosenschoon wees.
– [email protected]
Kommentaar
Republikein
Geen kommentaar is op hierdie artikel gelaat nie