Corona steek stokkie voor NFA-vergadering
Sokker
Die nasionale inperking weens Covid-19-regulasies het die Namibiese Sokkervereniging (NFA) genoop om 'n belangrike vergadering uit te stel.
By dié vergadering wat die naweek sou plaasvind, sou die NFA se nuut verkose uitvoerende komitee die aanstelling van sy waarnemende sekretaris-generaal asook die hangende skorsing van die Namibiese Premierliga (NPL) bespreek het.
Die NFA se finansies en 'n spesiale kongres was deel van die agenda.
Mnr. Ranga Haikali, die NFA se president, het egter besluit om die belangrike ontmoeting tot 'n latere datum weens die nasionale inperking te verskuif.
“Ons moes die uitgestelde vergadering met 'n buitengewone kongres opgevolg het om die volgehoue skorsing van die NPL en die aanstelling van die waarnemende sekretaris-generaal te bespreek,” het hy verduidelik.
Haikali sê die NFA sal moet wag totdat kenners hulle rakende die voortslepende coronapandemie ingelig het alvorens die NFA met sy twee beplande ontmoetings kan voortgaan.
“Die nuwe uitvoerende komitee het reeds hul werksaamhede by Sokkerhuis begin, maar 'n amptelike oorhandiging tussen die Fifa-normaliseringskomitee en die NFA moet nog afgehandel word. Sodra die inperkingsmaatreëls opgeskort is, sal die nodige formaliteite afgehandel word,” sê die NFA-president.
Die NFA se uitvoerende komitee moet die aanstelling van sy waarnemende sekretaris-generaal, die noodkomitee, sy verslag in verband met die oorhandiging van die normaliseringskomitee, personeelstrukture en bevinding van die appèlraad in ag neem.
'n Uiters belangrike punt op die agenda is die appèlraad se bevinding rakende die skorsing van die Young African-sokkerklub uit die NPL weens die gebruik van 'n ongeregistreerde Zimbabwiese speler 'n seisoen of twee gelede.
Die uitvoerende komitee moet ook sy begroting goedkeur en 'n afskoptyd vir die kompetisies by die verskeie ligas bepaal. Die kompetisies wat geraak word is die eerste- en tweede ligas, die NPL- asook die DebMarine-beker, The Namibian Newspaper Cup en die Dr. Hage Geingob-beker wat nog moet plaasvind.
“Die geouditeerde finansiële state moet deur die NFA en die Fifa-normaliseringskomitee afgeteken word. Die uitgawes is egter in die tyd van die normaliseringskomitee en die vorige NFA-bewind aangegaan. Dus sal daar 'n vrywaring vir die nuwe NFA betrokke wees.
“Ons hoop net die spelers verstaan die situasie van die NFA en ons sal beslis ná die nasionale inperking sake verbeter,” het Haikali afgesluit. - www.nfa.org.na
By dié vergadering wat die naweek sou plaasvind, sou die NFA se nuut verkose uitvoerende komitee die aanstelling van sy waarnemende sekretaris-generaal asook die hangende skorsing van die Namibiese Premierliga (NPL) bespreek het.
Die NFA se finansies en 'n spesiale kongres was deel van die agenda.
Mnr. Ranga Haikali, die NFA se president, het egter besluit om die belangrike ontmoeting tot 'n latere datum weens die nasionale inperking te verskuif.
“Ons moes die uitgestelde vergadering met 'n buitengewone kongres opgevolg het om die volgehoue skorsing van die NPL en die aanstelling van die waarnemende sekretaris-generaal te bespreek,” het hy verduidelik.
Haikali sê die NFA sal moet wag totdat kenners hulle rakende die voortslepende coronapandemie ingelig het alvorens die NFA met sy twee beplande ontmoetings kan voortgaan.
“Die nuwe uitvoerende komitee het reeds hul werksaamhede by Sokkerhuis begin, maar 'n amptelike oorhandiging tussen die Fifa-normaliseringskomitee en die NFA moet nog afgehandel word. Sodra die inperkingsmaatreëls opgeskort is, sal die nodige formaliteite afgehandel word,” sê die NFA-president.
Die NFA se uitvoerende komitee moet die aanstelling van sy waarnemende sekretaris-generaal, die noodkomitee, sy verslag in verband met die oorhandiging van die normaliseringskomitee, personeelstrukture en bevinding van die appèlraad in ag neem.
'n Uiters belangrike punt op die agenda is die appèlraad se bevinding rakende die skorsing van die Young African-sokkerklub uit die NPL weens die gebruik van 'n ongeregistreerde Zimbabwiese speler 'n seisoen of twee gelede.
Die uitvoerende komitee moet ook sy begroting goedkeur en 'n afskoptyd vir die kompetisies by die verskeie ligas bepaal. Die kompetisies wat geraak word is die eerste- en tweede ligas, die NPL- asook die DebMarine-beker, The Namibian Newspaper Cup en die Dr. Hage Geingob-beker wat nog moet plaasvind.
“Die geouditeerde finansiële state moet deur die NFA en die Fifa-normaliseringskomitee afgeteken word. Die uitgawes is egter in die tyd van die normaliseringskomitee en die vorige NFA-bewind aangegaan. Dus sal daar 'n vrywaring vir die nuwe NFA betrokke wees.
“Ons hoop net die spelers verstaan die situasie van die NFA en ons sal beslis ná die nasionale inperking sake verbeter,” het Haikali afgesluit. - www.nfa.org.na
Kommentaar
Republikein
Geen kommentaar is op hierdie artikel gelaat nie