COTA-barokfees 'n groot sukses

Met die ondersteuning van die Duitse ambassade in Namibië, het die barokfees hierdie jaar op 7 en 8 April in die NG Kerk in Lüderitzstraat plaasgevind. Die konsert is vir die sewende keer deur die College of the Arts (Cota) aangebied. Mnr. Ullrich Kinne, die Chargé d'Affaires van die Duitse ambassade, het die gehoor verwelkom. Kinne het in sy toespraak genoem die ontwikkeling van jong musikante in Namibië is vir die Duitse ambassade van groot belang.