Covid-19: Meer as 1 500 weefselmonsters getoets
Die adjunkminister van gesondheid en maatskaplike dienste, me. Esther Muinjangue sê tot op hede is 1 604 weefselmonsters in die land vir Covid-19 getoets. Namibië het die afgelope 35 dae geen nuwe gevalle van Covid-19 aangeteken nie en die aantal bevestigde gevalle staan steeds op 16. Elf gevalle het ten volle herstel. Volgens Muinjangue word 242 kontakte gemonitor en was 1 148 mense tot op hede in kwarantyn. Hiervan is 622 mense reeds huis toe gestuur, terwyl 526 tans in kwarantyn in geriewe oraloor die land is.
Kommentaar
Republikein
Geen kommentaar is op hierdie artikel gelaat nie