Cycle Classic bied inderdaad iets vir almal
Jonk en oud, fiks of nie, kan tot die sukses van die naweek bydra.
Andrew Poolman - Gesamentlik meer as ’n duisend inskrywings is teen gistermiddag reeds ontvang vir die naweek se twee byeenkomste in die Namibian Pick n Pay Cycle Classic, naamlik die bergfietsresies môre en die volgende oggend se padfietsbyeenkoms.
Jaarliks is die byeenkoms een van die gewildstes op die plaaslike kalender en selfs uit Suid-Afrika is reeds inskrywings ontvang.
Die SKW-sportklub in Olympia dien as die begin- en eindpunt vir al die wedrenne. Môre om 07:00 is die wegspring vir die bergfietsryers en Sondag dieselfde tyd kom die padfietsryers aan die beurt.
Die kleiner kinders het ook hul eie resies môre ná die bergfietsresies, wat in geheel op die perseel van SKW afgehandel word.
Verskeie aspekte maak vanjaar se Cycle Classic besonders, het mnr. Pierre du Plooy, voorsitter van Windhoek Pedal Power padfietsklub, gister gesê.
“Die manier om die meeste van die beskikbare prysgeld te verdien, is om in beide die twee hoofitems (bergfiets 50 km en padfiets 100 km) uit te blink deur die beste saamgestelde tyd op te stel.
“As organiseerders het ons op dié benadering besluit om die voorste manne en vroue ’n bietjie harder te druk.”
Lotto Petrus en Michelle Vorster het laas jaar die 100 km padfietskampioene, terwyl Alex Miller en Michelle Vorster die beste oor die bergfietsafstand van 50 km gevaar het. Verwag dus maar opnuut dat die mededinging aan die voorpunt van die resiese vuurwarm gaan wees.
Die Cycle Classic gaan egter soos altyd om veel meer as net die wennerspodium. Die verspreiding van prysgeld is byvoorbeeld tussen die toptien voltooiers in elk van die afstande (20 km, 30 km, 60 km en 100 km) vir mans én vroue.
’n Spesiale eie kategorie is vanjaar bygevoeg waarin liggaamlik gestremde atlete en diegene met spesiale behoeftes in die padfietsresies oor 20 kilometer kan meeding. Voornemende Paralimpiese ryers is reeds in die verlede by van die groter plaaslike wedrenne as deelnemers gesien.
Volgens Du Plooy word vanjaar se Cycle Classic ook ingespan as ’n geleentheid om een van die fietsrygemeenskap se onderskatte bondgenote by te staan.
“Die Windhoek stadspolisie is besig om ’n gimnasium in die Noordelike Nywerheidsgebied op die been te bring. Enige iemand wat dus ongebruikte gimnasiumtoerusting het, byvoorbeeld oefenfietse, gewigte of oefenmatte, kan dit saambring of reëlings tref om dit te oorhandig. Die gimnasium sal lede van die stadspolisie help om gesonder te leef en nog meer doeltreffend te funksioneer.
“As die fietsrygemeenskap ondersteun ons hulle graag vir al die naweektye wat hulle opoffer om toe te sien dat ons ons sport in veilige omstandighede kan beoefen.”
Die insluiting van hardloop- en stapkompetisies (môreoggend, onderskeidelik oor 10 km en 5 km) is nóg ’n manier om die naweek vir jonk en oud insluitend te maak. Die hardlopers en stappers is laasjaar met sukses deel gemaak van die byeenkoms en ’n nuutjie vanjaar is dat aflosspanne (4 x 2.5 km) ook kan inskryf.
Vir die hardlopers staan prysgeld nie net in die algehele wedloop nie, maar ook in die 40-49 jaar kategorie asook 50 jaar en ouer op die spel.
Registrasie word vandag tussen 16:00 en 19:00 by die Auas Vally inkoopsentrum gedoen.
Jaarliks is die byeenkoms een van die gewildstes op die plaaslike kalender en selfs uit Suid-Afrika is reeds inskrywings ontvang.
Die SKW-sportklub in Olympia dien as die begin- en eindpunt vir al die wedrenne. Môre om 07:00 is die wegspring vir die bergfietsryers en Sondag dieselfde tyd kom die padfietsryers aan die beurt.
Die kleiner kinders het ook hul eie resies môre ná die bergfietsresies, wat in geheel op die perseel van SKW afgehandel word.
Verskeie aspekte maak vanjaar se Cycle Classic besonders, het mnr. Pierre du Plooy, voorsitter van Windhoek Pedal Power padfietsklub, gister gesê.
“Die manier om die meeste van die beskikbare prysgeld te verdien, is om in beide die twee hoofitems (bergfiets 50 km en padfiets 100 km) uit te blink deur die beste saamgestelde tyd op te stel.
“As organiseerders het ons op dié benadering besluit om die voorste manne en vroue ’n bietjie harder te druk.”
Lotto Petrus en Michelle Vorster het laas jaar die 100 km padfietskampioene, terwyl Alex Miller en Michelle Vorster die beste oor die bergfietsafstand van 50 km gevaar het. Verwag dus maar opnuut dat die mededinging aan die voorpunt van die resiese vuurwarm gaan wees.
Die Cycle Classic gaan egter soos altyd om veel meer as net die wennerspodium. Die verspreiding van prysgeld is byvoorbeeld tussen die toptien voltooiers in elk van die afstande (20 km, 30 km, 60 km en 100 km) vir mans én vroue.
’n Spesiale eie kategorie is vanjaar bygevoeg waarin liggaamlik gestremde atlete en diegene met spesiale behoeftes in die padfietsresies oor 20 kilometer kan meeding. Voornemende Paralimpiese ryers is reeds in die verlede by van die groter plaaslike wedrenne as deelnemers gesien.
Volgens Du Plooy word vanjaar se Cycle Classic ook ingespan as ’n geleentheid om een van die fietsrygemeenskap se onderskatte bondgenote by te staan.
“Die Windhoek stadspolisie is besig om ’n gimnasium in die Noordelike Nywerheidsgebied op die been te bring. Enige iemand wat dus ongebruikte gimnasiumtoerusting het, byvoorbeeld oefenfietse, gewigte of oefenmatte, kan dit saambring of reëlings tref om dit te oorhandig. Die gimnasium sal lede van die stadspolisie help om gesonder te leef en nog meer doeltreffend te funksioneer.
“As die fietsrygemeenskap ondersteun ons hulle graag vir al die naweektye wat hulle opoffer om toe te sien dat ons ons sport in veilige omstandighede kan beoefen.”
Die insluiting van hardloop- en stapkompetisies (môreoggend, onderskeidelik oor 10 km en 5 km) is nóg ’n manier om die naweek vir jonk en oud insluitend te maak. Die hardlopers en stappers is laasjaar met sukses deel gemaak van die byeenkoms en ’n nuutjie vanjaar is dat aflosspanne (4 x 2.5 km) ook kan inskryf.
Vir die hardlopers staan prysgeld nie net in die algehele wedloop nie, maar ook in die 40-49 jaar kategorie asook 50 jaar en ouer op die spel.
Registrasie word vandag tussen 16:00 en 19:00 by die Auas Vally inkoopsentrum gedoen.
Kommentaar
Republikein
Geen kommentaar is op hierdie artikel gelaat nie