Cyril woon IAO-byeenkoms by
Ramaphosa het Sondag na Switserland, vertrek om die honderdste konferensie van die Internasionale Arbeidsorganisasie by te woon.
Adj.pres. David Mabuza is deur adjunkhoofregter Raymond Zondo as Suid-Afrika se waarnemende president beëdig om waar te neem terwyl pres. Cyril Ramaphosa in Switserland is.
Ramaphosa het Sondag na Genève, Switserland, vertrek om die honderdste konferensie van die Internasionale Arbeidsorganisasie (IAO) by te woon.
Hy word vergesel van Thulas Nxesi, minister van werkskepping en arbeid, asook ’n afvaardiging van die nasionale ekonomiese ontwikkelings-en-arbeidsraad (Nedlac).
Ramaphosa is in Mei 2018 as medevoorsitter aangewys van die IAO se wêreldwye kommissie oor die toekoms van werk in die veranderende wêreld van vandag.
KLIMAATSVERANDERING
Hy het saam met sy medevoorsitter, die Sweedse premier, Stefan Löfven, ’n span mense gelei wat aanbevelings moes doen oor die uitdagings van die wêreldwye ekonomie wat teweeggebring word deur tegnologiese vooruitgang, demografie, globalisering en klimaatsverandering. Hulle moes ook kyk na die invloed op werkers en die aard en toekoms van werk in dié omstandighede.
Ramaphosa sal praat by die IAO-konferensie, waar die uitkomste van die kommissie se werk onder meer aan die genooide staatshoofde voorgelê sal word. Tien aanbevelings word in die kommissie se verslag gedoen, luidens ’n verklaring wat deur die presidensie uitgereik is.
Die IAO se arbeidskonferensie waarheen regerings, arbeid en die sakesektor genooi word, is ’n jaarlikse instelling om hedendaagse kwessies van gemeenskaplike belang in die wêreld se arbeidsmark te bespreek en om internasionale arbeidstandaarde te aanvaar. – Netwerk24
Ramaphosa het Sondag na Genève, Switserland, vertrek om die honderdste konferensie van die Internasionale Arbeidsorganisasie (IAO) by te woon.
Hy word vergesel van Thulas Nxesi, minister van werkskepping en arbeid, asook ’n afvaardiging van die nasionale ekonomiese ontwikkelings-en-arbeidsraad (Nedlac).
Ramaphosa is in Mei 2018 as medevoorsitter aangewys van die IAO se wêreldwye kommissie oor die toekoms van werk in die veranderende wêreld van vandag.
KLIMAATSVERANDERING
Hy het saam met sy medevoorsitter, die Sweedse premier, Stefan Löfven, ’n span mense gelei wat aanbevelings moes doen oor die uitdagings van die wêreldwye ekonomie wat teweeggebring word deur tegnologiese vooruitgang, demografie, globalisering en klimaatsverandering. Hulle moes ook kyk na die invloed op werkers en die aard en toekoms van werk in dié omstandighede.
Ramaphosa sal praat by die IAO-konferensie, waar die uitkomste van die kommissie se werk onder meer aan die genooide staatshoofde voorgelê sal word. Tien aanbevelings word in die kommissie se verslag gedoen, luidens ’n verklaring wat deur die presidensie uitgereik is.
Die IAO se arbeidskonferensie waarheen regerings, arbeid en die sakesektor genooi word, is ’n jaarlikse instelling om hedendaagse kwessies van gemeenskaplike belang in die wêreld se arbeidsmark te bespreek en om internasionale arbeidstandaarde te aanvaar. – Netwerk24
Kommentaar
Republikein
Geen kommentaar is op hierdie artikel gelaat nie