Dagboek vir die landbouer

Suiwelprodusente hou dinee, vergadering Die Suiwelprodusentevereniging se ledevergadering en dinee vind op 18 en 19 Julie by die Xain Quaz Ruskamp buite Gobabis plaas. Die dinee word vanaand gehou en verskeie toekennings word aan suiwelprodusente gegee. Lede vergader môre en die tema van die vergadering is “Biosekuriteit as maatstaf vir goeie kwaliteit in die melkbedryf”. Die hoofspreker is mnr. Jompie Burger van Dairy Standards SA. Mnr. Anton Faul van die Landbouhandelsforum (ATF) sal lede toespreek oor die suiwelbedryf in 'n globale konteks.Karibib se lede vergaderHierdie boerevereniging hou 'n vergadering op 22 Julie om 16:00 op die plaas Habis van die Schneiders. Kontak Doris Gladis: Tel 061 237 400, doris@hemconamibia.com. Biermanskool hou inligtingsdag Biermanskool BV hou op 22 Julie om 09:00 'n weidings- en inligtingsdag by die Etosha Heights se Mountain Lodge. Sprekers is dr. Morgan Hauptfleisch van Unam wat oor die invloed van wild op weidingsbestuur praat. Mnr. Hendrik Botha sal oor verhoogde drakrag en beesproduksie praat en terugvoering oor die sateliettegnologie gee. Vanaf 14:30 - 18:00 word bosbeheergebiede, 'n wildsvleisverwerkingsaanleg en die sonkragstelsel by die safari-lodge besigtig. Registrasie beloop N$100 per persoon waarby die etes en verversings ingesluit is. Vir navrae kontak Evert Burger by 081 303 6087 of Heleen by 081 7374499. Wilhelmstal-Okasise hou vergaderingLede word herinner aan die vergadering op 25 Julie om 15:00 in die BV-saal by Wilhelmstal. Kontak Maja von Reeken-Fug by 062 503 949 of okauapehuri@iway.na.Bethanie bied skietdag aanKom wys jou skietvermoë op 29 Julie om 07:00 by Alte Kalkhofen (Sandverhaar). Inskrywingsgeld beloop N$100 vir volwassenes en N$70 vir kinders. Daar is ses bane met drie skote per baan. Vir meer besonderhede kontak Barra Viljoen by 081 629 0266 of barraviljoen@gmail.com of Ina de Klerk by 081 2743860. Hochfeld se speenkalfkompetisie Hochfeld BV se speenkalfkompetisie vind plaas op 2 Augustus by die Hochfeld BV se krale. Pakkies van tien verse of tollies tussen 220 kg en 280 kg kan ingeskryf word. Kontak Deon 081 350 9222, Jaco 081 262 4089 of Lizette by 081 129 1954.Plantkursus by HochfeldHochfeld BV bied 'n plantkursus op 8 en 9 Augustus op Hochfeld aan. Die kursus strek oor twee dae en sluit 'n praktiese asook teoretiese aanbieding in. Vir navrae kontak Daleen Swanepoel by hiway@iway.na of 062 549 101.Houtskoolkonferensie, ekspo en ledevergaderingDie jaarlikse konferensie, ekspo en ledevergadering van die Namibië Houtskoolvereniging (NCA) vind plaas op Vrydag 11 Augustus te Otjiwa Lodge, Otjiwarongo. Prof. Joseph Diescho is die hoofspreker by die geleentheid. Daar sal ook stalletjies wees met van die nuutste houtskoolverwante produkte. Alle lede, rolspelers en belangstellendes word hartlik uitgenooi om te registreer vir die konferensie wat om 08:00 begin en met 'n ete om 13:00 afsluit. Registrasiegeld beloop N$200 per persoon en sluit middagete in. Mense of instansies wat hul dienste en produkte bekend wil stel, kan uitstalruimte bespreek teen N$500 per stalletjie. Om te registreer, kan me. Roelien Coffee by die NCA-kantoor op Otjiwarongo gekontak word by 067 304 220 of roelien.coffee@ncanamibia.com. Die sperdatum vir registrasie is 28 Julie 2017. Varkprodusente-vereniging hou ledevergaderingDie Varkprodusente-vereniging se jaarlikse ledevergadering asook 'n inligtingsdag vind op 15 Augustus 2017 in Windhoek plaas. Belangstellendes kan me. Rina Hough by die NLU-kantoor kontak by 061 237 838 of rina@agrinaminia.com.na. Agri Opedag Windhoek SLU hou 'n Agri Opedag op 29 Augustus om 08:00 by die Windhoek-skouterrein. Die gasheer is Dordabis BV en gassprekers is die president van AgriSA, mnr. Johannes Möller, en die president van die NLU, mnr. Ryno van der Merwe. Verskeie demonstrasies en inligtingsessies word aangebied en die koste beloop N$100 per persoon waarby die middagete ingesluit is. Meld voor 24 Augustus aan by me. Romeis by cwromeis@iway.na. Vir navrae kontak mnr. Dawid Krause by 081 124 9415. Oeskoning word aangewysMnr. Gerhard Engelbrecht van die plaas Hoba in die Grootfontein-distrik is as 2017 se Oeskoning aangewys. Die gepaardgaande jaarlikse Oesfees van die Grootfontein BV vind plaas op 19 Augustus 2017 op die skouterrein. Sprekers is Johan van den Berg met sy seisoenale weervoorspelling vir 2017/2018. Daar is ook 'n kookprogram deur Annelien Pienaar, 'n tuinbouprogram vir die dames en vermaak vir die kinders. Benewens die tradisionele kroning van Mej. Oesfees, word die aand afgesluit met 'n steakbraai, kontantkroeg, dans en orkes. Vir meer inligting kontak die voorsitter van die Grootfontein BV, mnr. Willem Enslin, by wjs.breedtskroon.@gmail.com

Dagboek vir die landbouer

Kommentaar

Republikein 2025-04-07

Meld asseblief aan om kommentaar te lewer

Dagboek vir die landbouer

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie