Dagboek vir die landbouer

Kalkfeld hou ledevergaderingKalkfeld-boerevereniging hou ’n ledevergadering vandag om 08:00 vir 08:30 op die plaas Eremutua. Die sprekers is mnr. Gerhard Weber en ’n verteenwoordiger van Marsh Versekering. Kontak Almut Koch voor 1 November by 081 249 2835 of koch@iway.na.Leonardville se jaarafsluitingLeonardville-boerevereniging hou ’n jaarafsluiting op 19 November om 17:00 in die boereverenigingsaal. Kontak Johannie Brenkmann by 062 561440 of lvillebv@gmail.com vir verdere inligting.NCA Tegnologie-daeDie Namibië Houtskoolvereniging (NCA) bied tegnologiedae op 20 en 21 November van 09:00 tot 16:00 op die plaas Aimeb in die Outjo-distrik aan. Tydens die geleentheid sal nuwe, omgewingsvriendeliker verbrandingsoonde (kilns) bekend gestel word. Praktiese sessies vir briketvervaardiging word vir plaaswerkers aangebied, terwyl biokoolstof(biochar)-uitstallings en veel meer te sien sal wees. Toegang is gratis, maar belangstellendes moet voor 15 November by die NCA registreer. Kontak 067 304 220 vir meer inligting.Westelike Khomas se jaarafsluitingWestelike Khomas-boerevereniging hou hul jaarafsluiting van 18:00 af op 23 November in die boereverenigingsaal. Dit is ’n bring-en-braai. Vir meer besonderhede, kontak Amanda Greeff by 081 2596108 of luanda@iway.na.Napha-jaarvergaderingDie Namibië Professionele Jagvereniging (Napha) hou hul jaarvergadering op 26 November om 07:30 by Droombos, Windhoek. Van 18:30 af vind ’n spitbraai plaas en kostes beloop N$300 per persoon vir die aand se verrigtinge. Kontak Napha voor 10 November by 061 234 455 of napha@napha.com.na.Fietsry vir Dare to CareVan 28 tot 30 November gaan ’n groep vrywilligers 376 km met bergfietse van Otjiwarongo na Torrabaai ry om geld vir die Dare to Care-droogtehulpfonds in te samel. Alle deelnemers is besigheidsmanne of boere wat deur die droogte geraak word. Hulle het borgskappe nodig om hulle per kilometer te borg, maar ander borgskappe is ook welkom. Kontak Len de Jager by 081 236 3713, Herman Lintveld by 081 129 9987 of Dirk Potgieter by 081 127 8200 vir meer besonderhede.

Dagboek vir die landbouer

Kommentaar

Republikein 2025-04-18

Meld asseblief aan om kommentaar te lewer

Dagboek vir die landbouer

Kommentaar

Republikein 2025-04-18

Meld asseblief aan om kommentaar te lewer

MELD AAN

Advertensie