Daggatoets vir die Grondwet
’n Aktivis wil die wettigheid van inhegtenisnemins wat met dagga verband hou teen die Grondwet toets.
Augetto Graig - Die hoërhof sal moontlik uitsluitsel moet gee oor die grondwetlikheid van daggaverwante inhegtenisnemings.
Mnr. Brian Jaftha, president van Ganja Users of Namibia (GUN), en sy regsverteenwoordiger, die kandidaatprokureur mnr. Andrew Naunyango, het by landdros Atutala Namwenyo Shikalepo verlof gekry om die kwessie voor die hoërhof te bring.
Die hoërhof het gesag om grondwetlike kwessies aan te hoor, terwyl appèlsake voor die hooggeregshof dien.
Naunyango het onder me. Uno Katjipuka, ’n prokureur verbonde aan die Nixon Marcus-menseregtefirma, tot 29 April 2020 om ’n amptelike aansoek in te dien.
In Namibië maak wet nommer 41 van 1971 dit onwettig om in besit van dagga te wees.
Vir groter hoeveelhede kan ’n klag van handel dryf in dagga aanhangig gemaak word, met swaarder strawwe.
Die bekende plaaslike kunstenaar Ras Sheehama se poging om die kwessie voor die hof te bring, is in 2001 verwerp.
“Veels te veel Namibiërs sit in die tronk oor dagga,” sê Jaftha.
Hy word self beskuldig van die besit van dagga in twee verskillende sake wat nou as een gelees word.
Naunyango sê Jaftha voel die klagte teen hom skend dié regte wat die Grondwet waarborg.
Grondwetlike verhore is egter duur en diegene wie se regte ondermyn word, kan nie bekostig om daarteen te baklei nie, sê Naunyango.
“Dit kan moontlik miljoene beloop,” sê hy.
Hoewel Nixon Marcus Jaftha tans verniet verdedig, vereis dit ook hul tyd en hulpbronne.
Volgens Naunyango het Namibië strukture om die Grondwet te verdedig, maar om dit voor ’n hof te bring, is ’n uitdaging.
“Goed soos regshulp behoort dit te befonds,” sê hy.
Jaftha het in Augustus 2019 reeds aansoek om regshulp gedoen, maar die ministerie van justisie het dit afgekeur omdat die saak volgens hulle nie meriete het nie.
“Ons kan hulle dalk weer nader as die hoërhofaansoek afgehandel is,” sê Naunyango.
Hy voel Namibiërs verdien die geleentheid om die grondwetlikheid van wetgewing uit te daag.
“Die kwessie is wêreldwyd besig om te verander. Die onlangse verminderde straf-geval toon hoe lank die dagga-kwessie reeds bestaan. Kyk na die vrou van Swakopmund: Hierdie mense is broodwinners. Hierdie wet bestaan al sedert 1971. Ons weet nou baie meer as 50 jaar gelede. Ons weet van beter,” sê hy. – [email protected]
Mnr. Brian Jaftha, president van Ganja Users of Namibia (GUN), en sy regsverteenwoordiger, die kandidaatprokureur mnr. Andrew Naunyango, het by landdros Atutala Namwenyo Shikalepo verlof gekry om die kwessie voor die hoërhof te bring.
Die hoërhof het gesag om grondwetlike kwessies aan te hoor, terwyl appèlsake voor die hooggeregshof dien.
Naunyango het onder me. Uno Katjipuka, ’n prokureur verbonde aan die Nixon Marcus-menseregtefirma, tot 29 April 2020 om ’n amptelike aansoek in te dien.
In Namibië maak wet nommer 41 van 1971 dit onwettig om in besit van dagga te wees.
Vir groter hoeveelhede kan ’n klag van handel dryf in dagga aanhangig gemaak word, met swaarder strawwe.
Die bekende plaaslike kunstenaar Ras Sheehama se poging om die kwessie voor die hof te bring, is in 2001 verwerp.
“Veels te veel Namibiërs sit in die tronk oor dagga,” sê Jaftha.
Hy word self beskuldig van die besit van dagga in twee verskillende sake wat nou as een gelees word.
Naunyango sê Jaftha voel die klagte teen hom skend dié regte wat die Grondwet waarborg.
Grondwetlike verhore is egter duur en diegene wie se regte ondermyn word, kan nie bekostig om daarteen te baklei nie, sê Naunyango.
“Dit kan moontlik miljoene beloop,” sê hy.
Hoewel Nixon Marcus Jaftha tans verniet verdedig, vereis dit ook hul tyd en hulpbronne.
Volgens Naunyango het Namibië strukture om die Grondwet te verdedig, maar om dit voor ’n hof te bring, is ’n uitdaging.
“Goed soos regshulp behoort dit te befonds,” sê hy.
Jaftha het in Augustus 2019 reeds aansoek om regshulp gedoen, maar die ministerie van justisie het dit afgekeur omdat die saak volgens hulle nie meriete het nie.
“Ons kan hulle dalk weer nader as die hoërhofaansoek afgehandel is,” sê Naunyango.
Hy voel Namibiërs verdien die geleentheid om die grondwetlikheid van wetgewing uit te daag.
“Die kwessie is wêreldwyd besig om te verander. Die onlangse verminderde straf-geval toon hoe lank die dagga-kwessie reeds bestaan. Kyk na die vrou van Swakopmund: Hierdie mense is broodwinners. Hierdie wet bestaan al sedert 1971. Ons weet nou baie meer as 50 jaar gelede. Ons weet van beter,” sê hy. – [email protected]
Kommentaar
Republikein
Geen kommentaar is op hierdie artikel gelaat nie