Dankbaar vir nat Noorde
Elvira Hattingh – Die Namibiese weerkantoor volstaan by hul voorspelling dat Namibië vandag wydverspreide donderbuie te wagte kan wees, en dat reën die naweek steeds kan voorkom.
Vandag sal dit na verwagting sonnig en baie warm in die verre Noordweste wees, terwyl dit elders gedeeltelik bewolk en warm tot baie warm sal wees, met verspreide en wydverspreide donderbuie.
Die Namibiese weerkantoor se hoofweervoorspeller, mnr. Odillo Kgobetsi, het vroeër gesê die weerkantoor verwag donderbuie oor die binneland, asook swaar reënneerslae op plekke.
Dít nadat sekere dele in die Noorde intussen goeie reënbuie ontvang het.
Facebook-gebruikers het gister laat weet die Noorde het op plekke oornag tot 42 mm reën ontvang, met donderbuie wat skynbaar hoofsaaklik noord van Otjiwarongo, by Otavi, Kombat en Grootfontein voorgekom het.
Me. Ronel Opperman het foto’s op die Facebook-blad “Reën in Namibia” gedeel en gesê noord van Otjiwarongo het hulle vir die eerste keer in die huidige seisoen hul eerste dubbelsyfer reën ontvang.
Mnr. Adriaan Roodt het laat weet hulle het Woensdag 42 mm reën 20 km suid van Kombat gekry.
Mnr. Abraham Marais Malan het ‘n foto van ‘n nat Grootfonteinvallei gedeel, met me. Ingrid Menge wat ook laat weet het hulle het ‘n heerlike bui reën 60 km noordoos van Grootfontein gehad.
Me. Renette Schoeman sê sy het 13 mm reën 10 km buite Outjo gemeet, terwyl Jan Dak laat weet het hy het 28 mm op Otavi self gemeet.
Vandag sal dit na verwagting sonnig en baie warm in die verre Noordweste wees, terwyl dit elders gedeeltelik bewolk en warm tot baie warm sal wees, met verspreide en wydverspreide donderbuie.
Die Namibiese weerkantoor se hoofweervoorspeller, mnr. Odillo Kgobetsi, het vroeër gesê die weerkantoor verwag donderbuie oor die binneland, asook swaar reënneerslae op plekke.
Dít nadat sekere dele in die Noorde intussen goeie reënbuie ontvang het.
Facebook-gebruikers het gister laat weet die Noorde het op plekke oornag tot 42 mm reën ontvang, met donderbuie wat skynbaar hoofsaaklik noord van Otjiwarongo, by Otavi, Kombat en Grootfontein voorgekom het.
Me. Ronel Opperman het foto’s op die Facebook-blad “Reën in Namibia” gedeel en gesê noord van Otjiwarongo het hulle vir die eerste keer in die huidige seisoen hul eerste dubbelsyfer reën ontvang.
Mnr. Adriaan Roodt het laat weet hulle het Woensdag 42 mm reën 20 km suid van Kombat gekry.
Mnr. Abraham Marais Malan het ‘n foto van ‘n nat Grootfonteinvallei gedeel, met me. Ingrid Menge wat ook laat weet het hulle het ‘n heerlike bui reën 60 km noordoos van Grootfontein gehad.
Me. Renette Schoeman sê sy het 13 mm reën 10 km buite Outjo gemeet, terwyl Jan Dak laat weet het hy het 28 mm op Otavi self gemeet.
Kommentaar
Republikein
Geen kommentaar is op hierdie artikel gelaat nie