De Lange, Vorster oorheers Nedbank-veldresies
Michelle Vorster het van 'n botsing met 'n voertuig opgestaan op pad na 'n baie spesiale oorwinning.
Tristan de Lange en Michelle Vorster is gister ná indrukwekkende individuele vertonings as die 2018 Nedbank nasionale bergfietskampioene bekroon.
Die Nedbank bergfietsuitdaging is tussen IJG Trails naby Avisdam en Farm Windhoek aan die suidekant van die hoofstad gehou. Die roete was soos altyd uitdagend, met 'n goeie kwota klimdele.
De Lange was in 'n klas van sy eie op die 60 kilometer roete vir die elite mans en het 10 minute voor enige van die ander ryers klaargemaak. Sy wentyd was drie ure 13 minute 58 sekondes.
Xavier Papo, die wenner van 2016 wat verlede jaar die derde plek ingeneem het, was dié keer in die tweede plek, ses minute voor die veteraan Jacques Celliers wat algeheel derde was.
Wyle Costa Seibeb het die 2017 elite manstitel gewen.
In die elite vrouekategorie het Vorster haar baasskap bewys in die byeenkoms wat sy sedert 2015 nou reeds vier keer op 'n streep gewen het.
Op pad na haar sege in 4:08:34, voor Irene Steyn in die tweede en Hester Prins in die derde posisies, moes Vorster egter eers 'n onverwagse terugslag te bowe kom.
'n Emosionele Vorster het agterna aan die nuusagentskap Nampa gesê sy het tydens die resies teen 'n motor gebots. Volgens haar was dit een van die meer traumatiese wedrenne van haar loopbaan en sy is baie bly dat sy nogtans gewen het.
“Ek dink my duim is dalk gebreek en ek het ook my skouer seergemaak toe die kar my getref het.
“Gelukkig was daar 'n samaritaan wat dadelik sy fiets se onderdele afgestaan het om myne weer padgereed te help kry het en hoewel die handvatsels gedraai en die instellings nie meer dieselfde was nie, het ek darem klaargemaak, wat vir my persoonlik baie beteken,” het sy gesê.
Volgens Vorster was die botsing net drie kilometer ná die wegspring, op 'n steil afdraand en het sy in daardie stadium redelik vinnig gery.
Ondanks die ongeluk het Vorster gesê sy het andersins 'n suksesvolle wedren gehad en het krediet gegee vir 'n paar ryers wat haar hard gedruk het sodat sy nie kon bekostig om 'n voet verkeerd te sit nie.
Die 60 km se kategoriewenners was soos volg:
Elite mans: 1 Tristan de Lange 3:13:58; 2 Xavier Papo 3:33:20; 3 Horst Neumann 3:42:06.
Elite vroue: 1 Michelle Vorster 4:08:34; 2 Irene Steyn 4:23:20; 3 Luanne van der Schyff 4:52:37.
Subveteraan mans: 1 Wim Steenkamp 3:46:45; 2 Frederick van Greunen 3:52:50; 3 Willie Mac van Zyl (RSA) 3:54:40; 4 Braam Vermeulen 4:12:37.
Subveteraan vroue: 1 Hester Prins 4:34:28; 2 Germien Stals (RSA) 4:51:48; 3 Jeanne Heunis (RSA) 5:00:38.
Veteraan mans: 1 Jacques Celliers 3:39:39; 2 Fanie Steenkamp 3:50:35; 3 Ian Grassow 3:56:33.
Veteraan vroue: 1 Johanita de Waal 4:40:50; 2 Monika Grossmann 4:45:16; 3 Wilmien Chamberlain 5:06:11.
Meesters mans: 1 Piet Swiegers 3:41:55; 2 Gerhard Mans senior 4:31:39; 3 Kai Tegethoff 4:35:15.
Meesters vroue: 1 Wanda Tattersall 4:41:49.
Grootmeesters mans: 1 Hercules Viljoen 4:55:33.
- Nampa
Die Nedbank bergfietsuitdaging is tussen IJG Trails naby Avisdam en Farm Windhoek aan die suidekant van die hoofstad gehou. Die roete was soos altyd uitdagend, met 'n goeie kwota klimdele.
De Lange was in 'n klas van sy eie op die 60 kilometer roete vir die elite mans en het 10 minute voor enige van die ander ryers klaargemaak. Sy wentyd was drie ure 13 minute 58 sekondes.
Xavier Papo, die wenner van 2016 wat verlede jaar die derde plek ingeneem het, was dié keer in die tweede plek, ses minute voor die veteraan Jacques Celliers wat algeheel derde was.
Wyle Costa Seibeb het die 2017 elite manstitel gewen.
In die elite vrouekategorie het Vorster haar baasskap bewys in die byeenkoms wat sy sedert 2015 nou reeds vier keer op 'n streep gewen het.
Op pad na haar sege in 4:08:34, voor Irene Steyn in die tweede en Hester Prins in die derde posisies, moes Vorster egter eers 'n onverwagse terugslag te bowe kom.
'n Emosionele Vorster het agterna aan die nuusagentskap Nampa gesê sy het tydens die resies teen 'n motor gebots. Volgens haar was dit een van die meer traumatiese wedrenne van haar loopbaan en sy is baie bly dat sy nogtans gewen het.
“Ek dink my duim is dalk gebreek en ek het ook my skouer seergemaak toe die kar my getref het.
“Gelukkig was daar 'n samaritaan wat dadelik sy fiets se onderdele afgestaan het om myne weer padgereed te help kry het en hoewel die handvatsels gedraai en die instellings nie meer dieselfde was nie, het ek darem klaargemaak, wat vir my persoonlik baie beteken,” het sy gesê.
Volgens Vorster was die botsing net drie kilometer ná die wegspring, op 'n steil afdraand en het sy in daardie stadium redelik vinnig gery.
Ondanks die ongeluk het Vorster gesê sy het andersins 'n suksesvolle wedren gehad en het krediet gegee vir 'n paar ryers wat haar hard gedruk het sodat sy nie kon bekostig om 'n voet verkeerd te sit nie.
Die 60 km se kategoriewenners was soos volg:
Elite mans: 1 Tristan de Lange 3:13:58; 2 Xavier Papo 3:33:20; 3 Horst Neumann 3:42:06.
Elite vroue: 1 Michelle Vorster 4:08:34; 2 Irene Steyn 4:23:20; 3 Luanne van der Schyff 4:52:37.
Subveteraan mans: 1 Wim Steenkamp 3:46:45; 2 Frederick van Greunen 3:52:50; 3 Willie Mac van Zyl (RSA) 3:54:40; 4 Braam Vermeulen 4:12:37.
Subveteraan vroue: 1 Hester Prins 4:34:28; 2 Germien Stals (RSA) 4:51:48; 3 Jeanne Heunis (RSA) 5:00:38.
Veteraan mans: 1 Jacques Celliers 3:39:39; 2 Fanie Steenkamp 3:50:35; 3 Ian Grassow 3:56:33.
Veteraan vroue: 1 Johanita de Waal 4:40:50; 2 Monika Grossmann 4:45:16; 3 Wilmien Chamberlain 5:06:11.
Meesters mans: 1 Piet Swiegers 3:41:55; 2 Gerhard Mans senior 4:31:39; 3 Kai Tegethoff 4:35:15.
Meesters vroue: 1 Wanda Tattersall 4:41:49.
Grootmeesters mans: 1 Hercules Viljoen 4:55:33.
- Nampa
Kommentaar
Republikein
Geen kommentaar is op hierdie artikel gelaat nie