Depressie, werksverlies lei glo tot selfdood

Tuyeimo Haidula op Oshakati'n Vrou wat volgens die polisie selfdood gepleeg het deur haarself aan die brand te steek, het glo vyf jaar gelede weens depressie uit haar werk bedank.Me. Aina Nelago Neema (35) het na bewering Vrydag doodgebrand met 'n middel wat vermoedelik paraffienolie was. Die voorval het in Ondangwa se Oluno-nedersetting plaasgevind. Die Namibiese polisie se koördineerder van misdaadondersoeke in die Oshanastreek, adj.komm. Hilja Haipumbu, het gesê Neema was ten tyde van die voorval tuis saam met haar jonger suster, wat rook uit die huis op die erf sien kom en hulp ontbied het.Haipumbu het gesê Neema het 'n agt maande oue baba gehad wat in Junie vanjaar dood is. Die oorsaak van die baba se dood is onbekend.Sy het ook gesê Neema se “lang stryd” met depressie het tot haar werksverlies gelei en dat sy werkloos was sedert sy meer as vyf jaar gelede by Debmarine Namibia bedank het.Me. Stella Ipinge, die woordvoerder van Debmarine Namibia, het bevestig dat sy daar in diens was, maar kon nie besonderhede verskaf oor hoe Neema se kontrak beëindig is nie.Ipinge het belowe om later meer inligting te verskaf nadat sy die maatskappyrekords nagegaan het. Haar naasbestaandes wat Maandag met ons susterkoerant Namibian Sun gepraat het, het gesê Neema was 'n harde werker. Haar vriende het gesê sy het geologie gekies ná die voormalige president Sam Nujoma haar geïnspireer het. Hy het vroue aangemoedig om posisies te betree in velde wat mans grotendeels domineer.Sy het in 2003 aan die Universiteit van Namibië begin studeer en 'n graad in geologie verwerf. Haar vriende onthou haar as 'n sterk akademikus wat lief was vir veldwerk en uitdagende oefeninge.“Sy was 'n omgeemens wat altyd wou seker maak of dit nog goed met haar vriende gaan. Dit is baie hartseer, en 'n mens wil regtig weet hoe om raak te sien wanneer iemand hulp nodig het en wat dié persoon se vriende kan doen om te help,” het die vriend gesê.SELFDOODBRIEF'n Selfdoodbrief wat glo deur Neema agtergelaat is, het in die sosiale media die ronde gedoen. Haipumbu het gesê hulle sal die brief noukeurig ondersoek om te bepaal of dit wel deur die oorledene geskryf is.In die brief, gedateer 30 Julie 2021, het Neema haar biologiese ouers bedank en in besonder diegene wat haar deur haar moeilike tye, veral haar jare van werkloosheid, gedra het. Sy het ook in die tweebladsybrief gesê die afgelope jare van haar lewe was nie maklik nie, maar sy kon deur “God se genade” voortgaan. “Ek het alles in God se hande gelaat. Ek glo hy sal my hierdeur dra soos hy tot vandag toe het. Daarom het ek besluit om hierdie ding wat ons lewe noem, hier te beëindig,” lui die brief.– republikein@republikein.com.na

Depressie, werksverlies lei glo tot selfdood

Kommentaar

Republikein 2025-04-08

Meld asseblief aan om kommentaar te lewer

Depressie, werksverlies lei glo tot selfdood

Kommentaar

Republikein 2025-04-08

Meld asseblief aan om kommentaar te lewer

MELD AAN

Advertensie