Desert Dash amper hier

Die 1 000 deelnemers aan vanjaar se Nedbank Desert Dash spring môre by die Grove Inkoopsentrum in Windhoek weg en eindig Saterdag op Swakopmund. Die roete strek oor die Kupferberg- en Us-pas. Die tema van aanstaande jaar se Namibië Toerisme Ekspo is “Safe travel”, wat ook deel van die Desert Dash uitmaak. Motoriste en padgebruikers word in die lig hiervan gemaan om op die uitkyk vir die fietsryers en hul ondersteuningsvoertuie te wees. Me. Michelle le Roux van Namibia Media Holdings, die mediavennoot van die Nedbank Desert Dash, mnre. Lionel Mathews, besturende direkteur van Nedbank, die borg van die fietsren, en Mannie Heymans van Lema Events, die organiseerders van die gebeurtenis. Foto Tanja Bause