Dié kleinveetelers presteer by Windhoek Skou

Elvira Hattingh - Altesaam 54 kleinveetelers het 1 440 stuks kleinvee (11 rasse) vir vanjaar se Windhoek Skou ingeskryf, terwyl die Persie die enigste kleinveeras was wat ’n nasionale kampioeneskap gehou het.

Mnr. Dirk Louw se jong boerbokooi uit die Conradie-stoet, is as die kampioen van ­kampioene onder die kleinvee aangewys. Sy is ook as die junior kampioen en raskampioen­ onder die boerbokke gekroon met haar ma wat ook as ’n kampioen op die skou aangewys is.