Die harde realiteit
Verlede week het ek gou by ons inkoopsentrum op Walvisbaai gaan inloer. Waar dit altyd gewemel het van mense en aktiwiteite was dit soos ’n klein spookdorp.
Ons bevind ons tans in ’n baie unieke tyd. Die Covid-19-pandemie het baie dinge verander, en met die stap deur die sentrum besef ek net die virus het vir nou en gaan nog vir baie jare ons lewenswyse verander.
Gedurende die inperkingstyd het baie mense ook hul ware kleure gewys en hoe hul breine eintlik aanmekaargesit is.
Om tot die punt te kom, baie mense meen dat ons hierdie tyd moet gebruik om bietjie introspeksie te doen.
Ek het ’n lysie gemaak van ’n paar dinge wat ek in die kort tydjie besef het.
1. Ek kan nie ‘n grap vertel om my lewe te red nie. Ek ken nie eers ‘n goeie knock knock-grappie nie.
2. Jou kinders aanvaar jou net soos jy is. Soms blaker hulle, “Mamma, jy’s vet’ uit, maar jy is die maan en sterre vir hulle.
3. Daar is sekere mense wat nou een ding sê en dan net daarná heeltemal die teenoorgestelde doen.
4. Daar is mense wat nie twee keer sal dink om vir jou te lieg of bedrieg nie.
5. Daar is ook mense wat nie twee keer sal dink om jou op hul hande te dra of vir jou ‘n klip uit die pad te rol nie.
6. Raak ontslae van mense wat in punt 3 en 4 genoem is.
7. Michael Bolton maak enigiets en alles beter, altyd!
8. Jou eie geselskap is soms die beste geselskap.
9. Kalmeerpilletjies doen nie altyd die job nie. Probeer ‘n goeie boek, of rus net ‘n bietjie en gee aandag aan jouself.
10. Kies ‘n spesiale dag om aandag aan jouself te gee. ‘n Lekker warm bad, hare doen, naels doen. Doen iets waarvan jy hou.
11. Wasgoed kry kleintjies.
12. Nie almal kan bak nie.
13. Tik Tok laat my tegnologies gestremd voel.
14. As die geld klaar is, is dit klaar. Dit help nie om 10 000 keer in jou bankrekening te gaan kyk nie.
15. Dis soms baie moeilik om positief te bly as alles net doom and gloom is.
Ek glo elkeen van ons se lysie gaan verskil. Ek glo die silwer randjie lê en loer vir ons êrens, ons moet net aanhou glo alles gaan oukei wees. Die harde realiteit is dinge lyk nie rooskleurig in die wêreld nie, maar kom ons hou moed. Dit is mos altyd die donkerste net voordat dit lig word.
Ons bevind ons tans in ’n baie unieke tyd. Die Covid-19-pandemie het baie dinge verander, en met die stap deur die sentrum besef ek net die virus het vir nou en gaan nog vir baie jare ons lewenswyse verander.
Gedurende die inperkingstyd het baie mense ook hul ware kleure gewys en hoe hul breine eintlik aanmekaargesit is.
Om tot die punt te kom, baie mense meen dat ons hierdie tyd moet gebruik om bietjie introspeksie te doen.
Ek het ’n lysie gemaak van ’n paar dinge wat ek in die kort tydjie besef het.
1. Ek kan nie ‘n grap vertel om my lewe te red nie. Ek ken nie eers ‘n goeie knock knock-grappie nie.
2. Jou kinders aanvaar jou net soos jy is. Soms blaker hulle, “Mamma, jy’s vet’ uit, maar jy is die maan en sterre vir hulle.
3. Daar is sekere mense wat nou een ding sê en dan net daarná heeltemal die teenoorgestelde doen.
4. Daar is mense wat nie twee keer sal dink om vir jou te lieg of bedrieg nie.
5. Daar is ook mense wat nie twee keer sal dink om jou op hul hande te dra of vir jou ‘n klip uit die pad te rol nie.
6. Raak ontslae van mense wat in punt 3 en 4 genoem is.
7. Michael Bolton maak enigiets en alles beter, altyd!
8. Jou eie geselskap is soms die beste geselskap.
9. Kalmeerpilletjies doen nie altyd die job nie. Probeer ‘n goeie boek, of rus net ‘n bietjie en gee aandag aan jouself.
10. Kies ‘n spesiale dag om aandag aan jouself te gee. ‘n Lekker warm bad, hare doen, naels doen. Doen iets waarvan jy hou.
11. Wasgoed kry kleintjies.
12. Nie almal kan bak nie.
13. Tik Tok laat my tegnologies gestremd voel.
14. As die geld klaar is, is dit klaar. Dit help nie om 10 000 keer in jou bankrekening te gaan kyk nie.
15. Dis soms baie moeilik om positief te bly as alles net doom and gloom is.
Ek glo elkeen van ons se lysie gaan verskil. Ek glo die silwer randjie lê en loer vir ons êrens, ons moet net aanhou glo alles gaan oukei wees. Die harde realiteit is dinge lyk nie rooskleurig in die wêreld nie, maar kom ons hou moed. Dit is mos altyd die donkerste net voordat dit lig word.
Kommentaar
Republikein
Geen kommentaar is op hierdie artikel gelaat nie