Dis amptelik: Proteas se Enoch bedank
Dis amptelik: Proteas se Enoch bedank

Dis amptelik: Proteas se Enoch bedank

Krieket
Enoch Nkwe het bedank uit sy pos as hulpafrigter van die Suid-Afrikaanse krieketspan.
Krieket Suid-Afrika (KSA) het Dinsdagaand in ’n verklaring gesê dat Nkwe (38) besluit het om afstand te doen van sy pos. Hy was sedert Desember 2019 in die pos en het ook ’n tyd gedien as spandirekteur.
KSA het Maandag aangedui dat Nkwe sy voorneme aan sy werkgewer bekend gemaak het dat hy sy pos wil verlaat.
TimesLive het vroeër berig dat Nkwe wil bedank omdat hy voel hy word opsy geskuif in die manier waarop die span bestuur word.
Luidens die verklaring van KSA is daar pogings aangewend om Nkwe se dienste te behou.
Lawson Naidoo, raadsvoorsitter van KSA, het sy teleurstelling oor Nkwe se vertrek uitgespreek.
“Dit is regtig teleurstellend om iemand van Enoch se kaliber op hierdie tydstip te verloor, maar ons verstaan en respekteer sy besluit.”
• Die Proteas vertrek Woensdag vir ’n toer na Sri Lanka.
– Netwerk24

FOTO
Enoch Nkwe het bedank uit sy pos as hulpafrigter van die Suid-Afrikaanse krieketspan. Foto Gallo Images

Kommentaar

Republikein 2025-04-05

Geen kommentaar is op hierdie artikel gelaat nie

Meld asseblief aan om kommentaar te lewer