Dis feestyd in die Noorde
Kleurryke, inklusiewe genot op die spyskaart
Catherine Sasman - Otjiwarongo en Grootfontein hou in September groot makietie met elke dorp se jaarlikse skou wat tjok en blok vol pret geprop is.
Die skou op Otjiwarongo word vanaf 11 tot 13 September gehou met kunstenaars soos Ray Dylan, Rikus van der Merwe, Nicholis Louw, Gazza en die tradisionele Himba-groep, Bulletm, wat gaan optree.
Kameelritte, ’n potjiekoskompetisie en ’n perde-skou word aangebied en aangesien Otjiwarongo die jagluiperd-hoofstad van die land is, sal die Jagluiperdbewaringsfonds (CCF) ook daar wees.
Hierdie jaar word die boeremark wat gewoonlik elke Vrydag gehou word, vir die duur van die skou by die verrigtinge ingesluit.
“Ons verwag dat die boeremark ’n groot trekpleister sal wees,” het me. Adelheid Shilongo, die munisipaliteit van Otjiwarongo se skakelbeampte, gesê.
Die Grootfontein Skouvereniging bied vanjaar sy 102de skou aan wat tussen 17 en 19 September op die dorp plaasvind. Verrigtinge skop met ’n vlotte-optog deur die dorp af.
Die skou word vir die derde keer by die Omulunga-stadion gehou met vermaak wat deur die Campbells en Gazza voorsien word. Nuut op die skou is pretritte wat deur Extreme Rides na die dorp gebring word.
Kanaal 7 sal oudergewoonte regstreeks vanaf die skougronde uitsaai.
Mnr. Johan van Heerden van die Grootfontein Skouvereniging het gesê daar sal hierdie jaar 15 tradisionele kosstalletjies met Damara- en Oshiwambo-disse te koop wees.
Daar sal ook twee sale vol kinderkuns en ’n foto-uitstalling met die tema “Nat, natter Namibië” wees. ’n Alternatiewe tema is “Aan die einde van die reënboog is ’n pot goud; ontdek jou eie”.
Oudergewoonte sal die landbouskou die fokuspunt op Grootfontein wees, met bees, perde en kleinvee wat vertoon word. Die bekende Swart Fries- en Vlaamse perdekampioenskappe sal ook daar plaasvind.
Die skou op Otjiwarongo word vanaf 11 tot 13 September gehou met kunstenaars soos Ray Dylan, Rikus van der Merwe, Nicholis Louw, Gazza en die tradisionele Himba-groep, Bulletm, wat gaan optree.
Kameelritte, ’n potjiekoskompetisie en ’n perde-skou word aangebied en aangesien Otjiwarongo die jagluiperd-hoofstad van die land is, sal die Jagluiperdbewaringsfonds (CCF) ook daar wees.
Hierdie jaar word die boeremark wat gewoonlik elke Vrydag gehou word, vir die duur van die skou by die verrigtinge ingesluit.
“Ons verwag dat die boeremark ’n groot trekpleister sal wees,” het me. Adelheid Shilongo, die munisipaliteit van Otjiwarongo se skakelbeampte, gesê.
Die Grootfontein Skouvereniging bied vanjaar sy 102de skou aan wat tussen 17 en 19 September op die dorp plaasvind. Verrigtinge skop met ’n vlotte-optog deur die dorp af.
Die skou word vir die derde keer by die Omulunga-stadion gehou met vermaak wat deur die Campbells en Gazza voorsien word. Nuut op die skou is pretritte wat deur Extreme Rides na die dorp gebring word.
Kanaal 7 sal oudergewoonte regstreeks vanaf die skougronde uitsaai.
Mnr. Johan van Heerden van die Grootfontein Skouvereniging het gesê daar sal hierdie jaar 15 tradisionele kosstalletjies met Damara- en Oshiwambo-disse te koop wees.
Daar sal ook twee sale vol kinderkuns en ’n foto-uitstalling met die tema “Nat, natter Namibië” wees. ’n Alternatiewe tema is “Aan die einde van die reënboog is ’n pot goud; ontdek jou eie”.
Oudergewoonte sal die landbouskou die fokuspunt op Grootfontein wees, met bees, perde en kleinvee wat vertoon word. Die bekende Swart Fries- en Vlaamse perdekampioenskappe sal ook daar plaasvind.
Kommentaar
Republikein
Geen kommentaar is op hierdie artikel gelaat nie