'Dis jou skuld, pres. Zuma'
Vertroue in Suid-Afrika is steeds aan die afneem met die jongste kredietgradering deur Moody's is 'n tekenende voorbeeld hiervan.
Vida Booysen
Die kredietgraderingsagentskap Moody's Investor Service se besluit Vrydagaand om Suid-Afrika se kredietgradering 'n kerf af te skuif, met 'n negatiewe vooruitsig, moet op pres. Jacob Zuma se brood gesmeer word.
Dít is die reaksie wat die naweek aan 'n wye front opgeklink het nadat Moody's Suid-Afrika se staatskuld in sowel buitelandse geldeenhede as in rand tot Baa3, net een vlak bo rommelstatus, afgegradeer het.
Die negatiewe vooruitsig maak nog afgraderings, dié keer tot rommelstatus, later vanjaar moontlik.
Riefdah Ajam, waarnemende hoofsekretaris van Fedusa, sê die vakverbond het alle vertroue in Zuma verloor en dat ondeurdagte besluite die land nou in wanhoop gedompel het.
Moody's het die “skielike” kabinetskommeling en vervanging van Pravin Gordhan as minister van finansies deur Malusi Gigaba as een van die vernaamste redes vir die strukturele en beleidsonsekerheid uitgelig.
“Die institusionele raamwerk het minder deursigtig, doeltreffend en voorspelbaar geword terwyl beleidmakers se beloofde verbintenis tot hervormings nou minder duidelik is,” sê Moody's.
“Wat Moody's hiermee sê, is dat die afgradering pres. Zuma se skuld is,” sê die makelaar en markontleder Karin Richards.
Iraj Abedian, hoofekonoom van Pan African Investment and Research, sê die enigste manier om nog 'n afgradering te vermy is om die direksies van alle staatsinstellings af te dank, korrupte ministers te vervang en die land eerlik en vaardig te regeer.
Die tesourie sê die regering vra alle Suid-Afrikaners om selfs harder saam te werk om die kwessies wat Moody's uitgelig het, aan te pak.
Die grondslag vir 'n sterker groeikoers en sterker maatskaplik-ekonomiese ontwikkeling is reeds gelê. Dit sluit in die hervorming van bestuur en die uitroei van finansiële swakhede wat staatsondernemings kenmerk, sê die tesourie. - Netwerk24
Die kredietgraderingsagentskap Moody's Investor Service se besluit Vrydagaand om Suid-Afrika se kredietgradering 'n kerf af te skuif, met 'n negatiewe vooruitsig, moet op pres. Jacob Zuma se brood gesmeer word.
Dít is die reaksie wat die naweek aan 'n wye front opgeklink het nadat Moody's Suid-Afrika se staatskuld in sowel buitelandse geldeenhede as in rand tot Baa3, net een vlak bo rommelstatus, afgegradeer het.
Die negatiewe vooruitsig maak nog afgraderings, dié keer tot rommelstatus, later vanjaar moontlik.
Riefdah Ajam, waarnemende hoofsekretaris van Fedusa, sê die vakverbond het alle vertroue in Zuma verloor en dat ondeurdagte besluite die land nou in wanhoop gedompel het.
Moody's het die “skielike” kabinetskommeling en vervanging van Pravin Gordhan as minister van finansies deur Malusi Gigaba as een van die vernaamste redes vir die strukturele en beleidsonsekerheid uitgelig.
“Die institusionele raamwerk het minder deursigtig, doeltreffend en voorspelbaar geword terwyl beleidmakers se beloofde verbintenis tot hervormings nou minder duidelik is,” sê Moody's.
“Wat Moody's hiermee sê, is dat die afgradering pres. Zuma se skuld is,” sê die makelaar en markontleder Karin Richards.
Iraj Abedian, hoofekonoom van Pan African Investment and Research, sê die enigste manier om nog 'n afgradering te vermy is om die direksies van alle staatsinstellings af te dank, korrupte ministers te vervang en die land eerlik en vaardig te regeer.
Die tesourie sê die regering vra alle Suid-Afrikaners om selfs harder saam te werk om die kwessies wat Moody's uitgelig het, aan te pak.
Die grondslag vir 'n sterker groeikoers en sterker maatskaplik-ekonomiese ontwikkeling is reeds gelê. Dit sluit in die hervorming van bestuur en die uitroei van finansiële swakhede wat staatsondernemings kenmerk, sê die tesourie. - Netwerk24
Kommentaar
Republikein
Geen kommentaar is op hierdie artikel gelaat nie